МЕДСЯ ЛУНВЫВ СИКТ


Кӧн тӧвсӧ гожӧм тэрыбджыка венӧ,
Кӧн асъя шонді мелі ныв кодь дзик,
Прокопьевка, ме чолӧмала тэнӧ,
Республикалысь медся лунвыв сикт.

Лун тӧлыс бӧрся восьлала, ог тэрмась,
Ме гӧгӧр быттьӧ море — зарни сю.
А сӧстӧм сынӧд — лолав мыйта верман,
А сӧстӧм сынӧд — зарава моз ю.

Веж мича виддзыс небыд шӧвк моз ворсӧ,
Со варовитӧ шоркӧд югыд рас,
Ме кывза ылыс тракторъяслысь горсӧ —
И дзик быд шы да серпас тані ас.

Тан уджач войтыр нималӧны ылӧ,
И кодарӧ кӧть олӧм чӧж ог мун,
Бур славанад тэ тӧв и гожӧм кылан,
Республикалӧн медся лунвыв му.