МЕДВОДДЗА ЛЫМ


Медводдза лым — быттьӧ енэжсянь ыстӧм сӧдз кабала…
Лыддьылі кытыськӧ: «Скӧр поэтъяс му вылын абуӧсь».
Аддзан, лым вылас гусьӧн гижӧдсӧ кодкӧ кольӧма —
Кадыс бырӧдас здуксӧ, мӧвпсӧ да торъя олӧмсӧ.
Кывлі кодлыськӧ: коляс сӧмын дой сора гижӧдыд,
Кӧні муслуныс шогкӧд венласьӧ. Эскан? Видзӧдлы:
Куйлӧ медводдза лым, быттьӧ енэжсянь воӧм кабала,
Сэні эскӧны жӧ — скӧр поэтъяс му вылын абуӧсь…