ЛЕНИН ЙЫЛЫСЬ СЬЫЛАНКЫВ


Лӧз Эжва ю дорын, кӧн енэжыс югыд
И вӧльнӧя лолалӧ уджалысь морт,
Юсь бордъяӧс сьыланкыв сьӧлӧмсянь тэчим,
И ошкӧ сэн Ленинӧс коми народ.

Кыдз нэмъяслӧн некодыр куслытӧм шонді,
Ильич зарни югӧрӧн югдӧдіс му
И тыш вылӧ сьӧлӧм народъяслысь шонтіс,
Мед лӧсьӧдны Му вылын правда и шуд.

Быд чумйӧ, быд керкаӧ тувсов лун вайис,
Мезд кыалысь Му вылӧ ӧзйӧдіс свет.
И ленинскӧй правдаӧн дзордзалӧ крайным,
И нэмъяс чӧж дугдывтӧг дзордзалас век.

Оз чусмыв великӧй Ильичлӧн бур нимыс — 
Пыр видзам ас сьӧлӧмын сійӧс быд морт. 
Ми видзамӧй сійӧс, кыдз вермӧмлысь символ,
Кыдз пемдывтӧм слава, ён вынйӧр и борд!

1956 во.