КЫК РОЗА

"Фонтан любви, фонтан живой!
Принес я в дар тебе две розы."
А. С. Пушкин. „Фонтану Бахчисарайского дворца.“



Руд мрамор плита вылӧ шӧрыштіс Омер
Фонтан, кӧн ӧтлаынӧсь ыджыд шог и муслун.
Художниклӧн сэсь мудрость славаыс оз куслыв, — 
Резецӧн гижӧмсӧ оз вуштны кад ни чер.

Иранскӧй мастерлысь творениесӧ дыр
Руд арся лунӧ видзӧдіс йӧз муӧ ыстӧм Пушкин.
Из — из и эм. Зэв кӧдзыд. Ловтӧм. И двор пытшкысь
Поэт кык роза вайис чащаӧ дзик пыр.

Кык роза — виж да гӧрд, кык дзоридз, сӧмын кык,
И мӧвпсӧ ассьыс весиг кывъясӧн эз пык,
Но ловзис кӧдзыд из, и лоис сійӧ шоныд.

Сё нэмъяс колясны, зэв уна кывтас ва,
Но аддзас сэсь быд морт поэтлысь роч душа,
И кокни сылы лоӧ рочӧс гӧгӧрвоны.

1962 во.