* * *

Косьмӧм дзоридзьяс кын пызан вылын —
Йизьӧм керкаын тіралысь би,
Вошӧм йӧлӧга — чуксасьӧ ылын,
Сӧмын весьшӧрӧ: сьӧлӧмын йи.

Косьмӧм дзоридзьяс — вунӧдӧм эскӧм,
Ланьтӧм сьӧлӧмын — кенясьӧм дой.
Кусӧм олӧмын — кадыслы дзескыд:
Шытӧг мунӧма-кольӧма вой.

Косьмӧм дзоридзьяс — гожӧмыс эштіс,
Косьмӧм дзоридзьяс — помасис вӧт.
Налысь дон кодкӧ мынтас-ӧ, вештас?
Ме ог тӧд. Ме ог тӧд. Ме ог тӧд.