* * *

Кор Емва ю бокӧ ме вола,
Кӧн енэжӧдз лыбӧма кыр,
Зэв кокниа ветлӧдлӧ лолӧй
И сьӧлӧмӧй радлунӧн тыр.

Ми орччӧн важ тӧдсакӧд пуксям
Да казьтылам том олан дыр.
Кӧть сёрниӧ лишнӧй ог суктӧй,
А вир-яйысь вӧрзьӧ быд сыр.

Сэк син водзӧ сувтӧны вояс,
Кор, лазъяӧсь, петімӧй ми
Выль нэм вӧсна, шуд вӧсна бойӧ,
А кытӧнкӧ кыліс: — Хи-хи!

И лондонса смоокинга мистер,
Код серавны вӧліс зэв лют,
Мед миянӧ волӧ — зэв мисьтӧм
Ас серамнас лоӧ, кыдз шут.

Тыр шудлӧн тан ӧзйӧны бияс,
И му пасьта разалӧ свет.
Сталь вынаӧсь лоисны кияс,
И нимӧдӧ найӧс поэт.

Кор Емва ю бокӧ ме вола,
Кӧн енэжӧдз лыбӧма кыр,
Выль сьыланкыв морӧсын олӧ,
И сьӧлӧмӧй радлунӧн тыр.

1961 во.