КОРКӦ АДДЗЫВЛӦМ ВӦТ


Коркӧ важӧнкодь аддзылі вӧтын,
Быттьӧ пыжаяс вуджӧны ю.
Пемыд ва вывті — ӧтиын, мӧдын...
Войся сынӧдыс — сап пемыд гу.

Ставӧн кывтӧны. Со нин ю шӧрын,
Сӧмын ӧтнасӧн кодкӧ оз вудж,
Кодкӧ бӧрдігтыр кольӧма бӧрын,
Сӧмын юр весьтас гӧгралӧ кутш.

Кодкӧ ӧтнасӧн бӧрдӧ и корӧ,
Пыжа йӧзыслань нюжйӧдлӧ сыв,
Кодкӧ чуксасьӧ кыр йывсянь нора,
Сӧмын некод тай сійӧс оз кыв.

Сӧмын вӧтыс кор сывны нин мӧдіс,
Сійӧ нывкасьыс ачымӧс тӧді...