КОЛХОЗНӦЙ СЬЫЛАНКЫВКутшӧм паськыд, кутшӧм мича Тэ, колхознӧй муӧй! Кыдз ті лэптысяд, шыльквидзад, Шобдіӧй да сюӧй! Вына тракторӧн ми тэнӧ, Дона муӧй, гӧрим Да машинаӧн зэв бура Радлігтырйи кӧдзим. Коркӧ мырсис ӧтка олысь Кашкигтырйи тані, Сӧмын шоча-шоча воліс Сылы пӧтмӧн няньыс. А со ӧні идйыс, сюыс Кыдзи быдмӧ, кайӧ, Кыдз колхознӧй паськыд муыс Урожайсӧ вайӧ! Миян быдтор бура чужӧ, Видзӧдлы кӧть кытчӧ. Миян дружнӧй удж да кужӧм Ӧта-мӧдкӧд йитчӧ. Быдты няньсӧ уна, уна, Миян зарни муӧй, Мед колхознӧй озырлуныс Тувсов ва моз туӧ! 1948 во.
