* * *

Коді мен медмуса, коді мен меджаль,
Вӧчис тай сійӧ гӧре да печаль:
Муніс ӧд сійӧ зэв ылӧ, ылӧ,
Колис тай сійӧ менӧ, том нылӧс.
Кӧсйысис сійӧ регыд бӧр воны,
Ветлӧдлӧ сійӧ кӧнкӧ мӧд во нин.
Колис мен сійӧ бисернӧй сьывкытш,
Бисернӧй сьывкытш, выль эзысь чунькытш.
Лунын чунькытшсӧ водз чуньын новла,
Войын ме сійӧс юрлӧсӧ пукта.
Рытъя кад воас, ой, бӧрда, бӧрда,
Енъюгыдыс мен шогысла бердас.
Асывнас садьма, синваӧн мысся,
Кыйӧм лэбач моз сьӧлӧмӧй пессьӧ.
Висьтав жӧ меным, ныв гаж воштысьӧй,
Юӧрт жӧ меным, сьӧлӧм косьтысьӧй.
Дыр-ӧ мен ковмас мука терпитны,
Дыр-ӧ на ковмас тэнӧ виччысьны!