ИЧӦТ НЫВЛӦН СЬЫЛАНКЫВ


Мыйла нӧ оз кывсьы
Ичӧт нывлӧн гӧлӧс?
Сьыланкывсӧ сійӧ
Тӧдӧ унапӧлӧс.

«Кывзӧй, — сійӧ шуис: —
Заводита сьывны!»
Ылӧ-ылӧ кутіс
Гӧлӧс сылӧн кывны:

«Гажа садйысь локті,
Котӧрті ме ӧні.
Гӧрдӧдӧма, кисьмӧ
Чӧскыд ӧмидз сэні.

Ловзьӧдісны сійӧс
Зэр да югыд шонді.
Жугыльтчыны арӧдз
Сійӧ оз нин понды!..»

Ланьтіс, эз кут кывны
Гӧлӧс ичӧт нывлӧн.
Матіник и вӧлі
Помыс сьыланкывлӧн.