ЕДЖЫД ХАЛАТА АНЬЯСЛЫ


«Бур асыв!»
                    И шонді палатаӧ пырӧ,
Кӧть енэжыс кымӧра,
                    ывлаыс нор.
И сьӧлӧмӧй радлунӧн,
                    пӧсьлунӧн тырӧ,
И олӧмыс муса,
                    и сійӧс ог ёр.
Ме ачымӧс выль мортӧн
                    аддза и кыла,
И лов вылын югыд,
                    и вежӧрӧй ёсь.
Зэв уна ті босьтанныд
                    ас сьӧлӧм вылад.
Ӧд смертьыскӧд морт вӧсна
                    кыпӧдад кось.
Лым еджыд халатъяса,
                    мелі, бур аньяс,
Ті сывдінныд менӧ,
                    кор вӧлі нин кын.
Кузь нэм да бур шуд сиа
                    тіянлы, шаньяс.
А водзӧсӧй кувтӧдз нин
                    менам оз мын.