ГӦРД АРМИЯ ЗЭВ ЁНМед миян вылӧ скӧрмӧ Лёк Англияыс, мед! Роч муӧ сылы пырны Гӧрд армия оз сет! Пыр увтчис мыйкӧ Польша, Пыр эргӧ быттьӧ пон, Да тӧдӧ сійӧ, кутшӧм Гӧрд армия зэв ён! Румыния, лёк петук, Зэв вылӧ лэптӧ бӧж, Да лёкалӧмыд сылӧн Гӧрд армиялы теш! Сьӧд кырныш вывті уна, Да огӧ полӧй ми: Став кырнышъяссӧ йӧртас Гӧрд армиялӧн ки! Кӧть лэптылӧма кымӧр, Да гымалӧм оз ло. Гӧрд армия мед олас Зэв уна-уна во! 1927 во.
