ГОРТТӦМ ПОН


Полігтырйи жмитчӧ керка бердӧ,
Чайтӧ, бара кодкӧ кучкас тшук.
Кажитчис мен, быттьӧ збыльысь бӧрдӧ
Тшыг да горттӧм понйыс тайӧ здук.

Нӧшта, быттьӧ сійӧс эльтӧм вылӧ,
Керка сайысь петіс мича, ён:
Том кӧзяйка нуӧдіс дом йылын
Югыд гӧна, вердаса, бур пон.

Гӧрддзасис сэк менам сідзи горшӧй,
Быттьӧ луныс лоліс менам вой.
Ловъя лолӧй, коньӧр горттӧм понйӧй,
Мыйта сюрӧ тэныд сьӧлӧм дой...