| ВӦЙӦМ МОРТ | |
| Котӧртісны пиян гортас, | |
| «Батьӧ, батьӧ, — горзӧны, — | |
| Тывйӧ вайӧм кулӧм мортӧс, | |
| Кытчӧ-я и вошсьыны!» | |
| — Чӧлӧ, чӧлӧ ті, кульпиян! — | |
| На вылӧ бать ырӧстас: | |
| — Со тай урӧсъясыд миян! | |
| Кулӧм морт ме сетла час! | |
| Сьӧкыдвисьӧм тайӧ олӧм! | |
| Корсьысьӧмъяс лоасны; | |
| Баба! Вай тэ дукӧс, колӧ | |
| Код пеж чужӧм видлыны. | |
| Кӧні сійӧ? — «Батьӧ, тонӧ!» | |
| — Сир пинь паськыд горшаныд! | |
| Быдтор, пон чукӧр, ті ёна | |
| Тӧданныд да аддзанныд! — | |
| «Видзӧд, видзӧд, батьӧ! Аддзан?» | |
| — Аддза но, да шы ни тӧв, | |
| Мед оз пышйы! Локтӧ надзӧн! | |
| Меся, гуныд мед эз вӧв! — | |
| Ньӧжйӧн визывтӧ ю. Дінас, | |
| Кӧні кузя вольсалӧм | |
| Кӧтасьӧм тыв лыаинас, | |
| Куш шой мортлӧн нюжӧдчӧм. | |
| Лӧзӧдӧма мисьтӧм яйыс, | |
| Быдсӧ кер кодь пыктӧма, | |
| Кутшӧм лёк со суӧм тайӧс, | |
| Мыжа ловсӧ виӧма! | |
| Коді бара, чери кыйысь, | |
| Коддзӧм зон-я горттӧм морт | |
| Сідзи аддзӧма-ӧ гыысь, | |
| Корсьӧма-ӧ ассьыс горт? | |
| Пӧльӧлы мый! Куль кӧть ло сэн! | |
| Сійӧ юӧдз котӧртіс | |
| И кыдз-сюрас мортӧс косӧн | |
| Ваӧ кыскӧ кокӧдыс. | |
| Пелыснас пӧль кулӧм мортсӧ | |
| Йӧткыштас, и бара шой | |
| Мӧдлаысь сэк крестсӧ-гортсӧ | |
| Мӧдас корсьны лун и вой. | |
| Кулӧм морт дыр гыяс шӧрын | |
| Ловъя ногӧн дзибрасис, | |
| Сійӧс синнас колльӧм бӧрын | |
| Пӧльӧ гортас мӧдӧдчис. | |
| — Порсьпиян, ті ме бӧр локтӧ, | |
| Морт пренникӧн сетала, | |
| Да эн сёрнитӧ нем, боктӧ | |
| Мӧдногӧн кӧ пӧвсала! | |
| Мисьтӧммис зэв вой шӧр вомысь, | |
| Пуӧкодь ю гыяснас; | |
| Кусаліс нин сартас помыс | |
| Пӧльӧлӧн тшын керкаас. | |
| Пиян важӧн лабич кузя | |
| Кыдзи-сюрӧм водӧмны, | |
| Мамыс печкан дорас узьӧ, | |
| Батьыс кӧсйӧ ойбыртны. | |
| Лёк тӧв увгӧ, льӧмзӧ, сьылӧ, | |
| Ывла ставыс гудрасьӧ… | |
| Ӧшинь улас — пӧльӧ кылӧ — | |
| Кодкӧ ёна йиркӧдчӧ. | |
| — Коді сэні? — «Лэдз тэ менӧ». | |
| — Кутшӧм войдур ветлӧдлӧ? | |
| Кутшӧм дявӧл, кыргыз тэнӧ | |
| Вой шӧр войын новлӧдлӧ? | |
| Кӧн мем тэкӧд новлӧдчыны? | |
| Керка пемыд — сутшкы син! | |
| Дзескыд — некӧн бергӧдчыны! | |
| Мый ме дінӧ сибӧдчин? | |
| Пӧльӧ гыжъясигӧн надзӧ | |
| Чеччӧ сэк, мед ӧшиньсӧ | |
| Лэптыны, — и мый нӧ аддзӧ? | |
| Пасьтӧм морт сэн виччысьӧ! | |
| Повзьӧдчысь кодь вӧлі тайӧ, | |
| Бугыльясыс сувтӧмны, | |
| Тошсьыс войтва и сы яйӧ | |
| Сирсьӧд гагъяс пырӧмны. | |
| Пӧльӧ киысь ӧшинь усис, | |
| Тӧдса вӧліс пасьтӧм гӧсь! | |
| Пӧльлӧн пинь пырсьыс тай шусис: | |
| «Эз и виччысь корӧмӧс!» | |
| Войбыд пӧльӧлы эз югдыв | |
| Асылӧдз кӧн инасьны; | |
| Вой-вой кулӧм морт эз дугдыв | |
| Ӧшинь улас вӧзйысьны. | |
| Омӧль юӧр ветлӧ: гортас | |
| Пӧльӧ пӧ тай виччысьӧ | |
| Быдся воӧ кулӧм мортӧс | |
| Тайӧ кадӧ войясӧ. | |
| Пондас ывла мисьтӧммыны, | |
| Асывсянь тӧв шутьлясьны, | |
| Бара пӧльӧ керка дінӧ | |
| Кулӧм воас вӧзйысьны! | |
Комиӧн гижис
Ӧльӧш Иван
Ӧльӧш Иван
