ВОЙНАЛЫ НЕ ЛОНЫЧечча асылын, муртса на кор Шонді югӧрӧн мыссьӧ веж кор, Югыд лысваӧн кодзлалӧ му, — Гӧгӧр кыла ме радлуна шум. Тайӧ менам народ-багатыр, Созидатель и мирлӧн салдат Ыджыд стройкаяс кыпӧдӧ пыр, Гӧгӧр садитӧ шудлысь веж сад. Менам му — выль войнаӧ оз син, Дорйӧ уджын народъяслысь Мир, Кӧсйӧ, медым эз киссьы пӧсь вир, Порок тшынӧн мед енэж эз тыр, А мед шонді сэн дзирдаліс пыр. Челядь — шудаӧсь быдмӧны тан. Узьӧ потанын ичӧтик ныв, Сійӧс небыда лайкӧдӧ мам, И война йылысь сійӧ оз сьыв, Лӧгӧн йӧз дінӧ вежӧр оз тырт. Нывка син водзын югыд судьба: Мӧдас вермавны лӧз небеса, Мӧдас домавны юяслысь визув, Водзӧ мичмӧдны степьяс да яг, Медым дзордзаліс миян страна. Нывка син водзын югыд судьба, — Рытывбыд сьыліс сы йылысь мам. А виж дьявӧллӧн спрут — дядя Сам, Медым гумовтны ыджыдджык бизнес, Миян томлунлы дасьтӧ война. Аслас лёк вӧсна пытшкас оз тӧр, Дасьтӧ Мирыслы атомнӧй бомба, Медым му вылысь пузувтны ставсӧ, Мый кузь нэмъяс чӧж вӧчис народ, И мед пемдӧдны енэжлысь свод. Ме, отчизналӧн пи, гражданин, Ме, строитель и мирлӧн салдат, Коді правдалысь кыпӧдӧ ним, Прӧстӧй войтырлысь юала тан: — Тадз-ӧ лоас, мед тшӧгӧм банкир Выльысь миянлысь кисьтіс пӧсь вир? Медым миян том шудлысь веж сад Бара пӧимӧдз сотіс война? — Тадз оз ло! — меным шуӧ француз. — Вӧйтам ваӧ войнаыслысь груз. — Тадз оз ло! — вочавидзӧ индус. — Ов и здравствуйт, Сӧветскӧй Союз! — Тадз оз ло! — кыла Кубасянь ме Выль война йылысь вына ӧтвет, И кӧть кытчӧ эг шыасьлы ме, Быд свет юкӧн и став материк Ӧти гӧлӧсӧн шуисны: — Нет, Выль войналы не аддзывны свет! Некор дзик! 1951 во.
