* * *

Видзӧд — эстӧн жырыс
Куд ыджда, а пуксьӧм
Сэтчӧ морт гоз дас тай,
Да быд гоз на-й юксьӧм.

Коді локмысьт сёрджык
Абу аддзӧм джексӧ,
Сылы волӧдз дасьтӧм,
Оз нин тӧжды сэксӧ…

Лоас тэд, поп-батьӧй,
Козиныд мый ӧні!
Видзӧд — ӧтторъя пыр
Том йӧз дзескӧдчӧны.

Ой, гӧрд томлунанӧй,
Йӧзӧс матӧдысьӧй!
Ой, жеб пӧрысьмӧмӧй,
Йӧзӧс разӧдысьӧй!

Морт пельӧсӧн босьтмысьт
Пӧльяс пукалӧны,
Паччӧрвывъяссяньыс
Пӧчьяс чуксасьӧны.

Пӧрысь войтыр костын
Тыртӧмин пыр содӧ;
Кор и пӧрысьмыны
Водзӧ оз нин шогмы,
Быд ас гуас водӧ.