ВЕЛОСИПЕД


Ӧдӧбӧн гӧнитӧ пегана вӧв.
Пельясын шутьлялӧ кокньыдик тӧв.
Раминик чибӧлы конюк, дзор дед
Ним коркӧ сетлӧма «Велосипед».
Шонді кӧ саялас, абу, дерт, бур.
Тэрмася-ваяла юр бӧрся юр.
«Велосипед» менам тэрыб да ён,
Ньӧв моз дзик лэбалӧ нӧрыс да сён.
Гожӧмбыд сійӧ эз аддзывлы лич,
Кытчӧдз эг эштӧдӧй медбӧръя видз.
Арнас мен вайисны велосипед,
Тайӧ пӧ бур уджсьыд премия тэд.
Бара нин пельясын шутьлялӧ тӧв,—
Сикт кузя гӧнитӧ «кокъястӧм вӧв».
Вердны ни юктавны, майбыр, оз ков,
Да ӧд и ӧвадысь ньӧти оз пов.