БИБЛИОТЕКАРЬ


Выль читальняӧ лӧнь рытын
Пырис книгала том зон.
Сылӧн корӧм серти нывка
Сетіс лыддьыны кыз том.

Нылыс вӧлі сэтшӧм мича! —
Кыдзи мелі аннасин.
Зонлы сьӧлӧмӧдзыс йиджис,
И оз аддзы аслыс ин.

Восьтіс книгасӧ и шуӧ:
— Тайӧ, вӧлӧмкӧ, оз ков.
Эськӧ меным коліс книга,
Кӧні помӧдзыс любовь.

Зон и ачыс вӧлі лӧсьыд,
Нывка шӧйӧвошліс тшук.
Век жӧ шуис: — Сэтшӧм колӧ?
Ме тэн вая... Ӧти здук!

Стойка вомӧн сетны книга
Абу ёна сьӧкыд удж.
Но кор муслун олӧ вирад,
Шуны «радейта» он куж.

1953 во.