АСЪЯ КЫА

Асъя кыа, кыа водз лэбалӧ.
Лэбалӧ да.
Рытъя кыа,
Рытъя кыа, кыа сёр лэбалӧ.

Лэбалӧ да,
Ва вылын пыжаяс,
Ва вылын пыжа...
Пыжаяс кывтӧны.

Кывтӧны да,
Сынысьясыс, бӧжалысьясыс,
Сынысьясыс, бӧжалысьясыс
Том молодечьяс.

Том молодечьяс да,
Пыж шӧрын пукалысьяс,
Пыж шӧрын пукалысьяс
Мича нывъяс.

Мича нывъяс да,
Найӧ сьылӧны,
Сьылӧны да,
Берегын ныв гуляйтӧ.

Гуляйтӧ да,
Кокас тюпель,
Кокас тюпель,—
Бӧр вылас талялӧ.

Талялӧ да,
Юрас чышъян,
Юрас чышъян.
Чышъянсӧ вошталӧ.

Вошталӧ да,
«Этайӧ чышъян,
Этайӧ чышъян,
Чышъян абу жаль мен.

Абу жаль да,
Жаль мен сӧмын,
Жаль мен сӧмын
Аслам муса другӧй».