АГРОНОМЗептас киижечка-диплом — Сиктӧ воис агроном. — Аттӧ дивӧ, кутшӧм том, Кутшӧм том и агроном! — Неужели петас тӧлк?! Тайӧ нинӧм на оз тӧд! Татысь тшыкӧдлас став му, И ог аддзылӧй ми сю. Кӧть и вӧлі зэв на том, Но эз повзьы агроном: Босьтчис уджӧ, — абу мат, — Гӧгӧр сылӧн тӧлк да лад. Колис гожӧм, воис нянь, Быттьӧ зарни — сэтшӧм шань.. — Колӧ уджавны вот тадз! — Нывъяс воштісны юр садь. Шонді кыптӧ — мелі, том, Мунӧ улич вывті зон. Сійӧс муяс вылӧдз пыр Синнас колльӧдӧ быд ныв. 1953 во.
