Мӧԁ налог

Нојабрын 4-ԁ лунӧ Сӧвет-влаԍт шуіс перјыны налог: креԍԏаналыԍ ембур боԍтԍӧԁӧм-вылӧ.

Налог перјыԍԍӧ вузаԍыԍјаслыԍ 50 шајт; інжеԋерјаслыԍ, ԏекԋікјаслыԍ, ԋекӧн служіттӧг нажӧвітчыԍјаслыԍ 5 шајт, креԍԏаԋінлыԍ 2 шајт, рабочејлыԍ ԁа служашщејлыԍ 1 шајт.

Налог перјыԍԍӧ быԁӧнлыԍ, коԁі вермӧ уҗавны, 18 арӧсԍаԋ 60-ӧԇ.

Налог оз перјыԍԍы:

1. Служашщејлыԍ, коԁјаслӧн жалӧваԋԋӧныс 13 разраԁыԍ улынҗык.

2. Красноармејетсјаслыԍ.

3. Міԉітсіјалыԍ.

4. Велӧԁчыԍјаслыԍ, оз-кӧ најӧ нажӧвітчыны.

5. Інваԉіԁлыԍ.

6. Нывбабајаслыԍ, ем-кӧ налӧн 14 арӧсыԍ посԋі чеԉаԃ.

7. Нывбабајаслыԍ, верԁӧны-уԁӧны-кӧ најӧ ԋоԉ морт ԁорыԍ унҗыкӧс аԍныс ԍемјанысӧ.

8. Уҗтӧм јӧз, коԁјас гіжԍӧмаӧԍ Біржа Труԁаӧ.

9. Вӧвтӧм креԍԏанајаслыԍ.

10. Коԁјаслӧн ԋекущӧм нажӧтка абу.

Налог мынтан срок карјасын помаԍӧ ԃекабрын 15-ӧԁ лунӧ 1922 воӧ, ԍіктјасын певраԉын 1-ӧԁ лунӧ 1923 воӧ.

Коԁі оз вермы мынтыны налог, поԅӧ ԍетны прошеԋԋӧ, меԁым сроксӧ ԋужӧԁасны, ԉібӧ ԇікӧԇ мезԁасны налогыԍ. Прошеԋԋӧас колӧ гіжны, мыјла он вермы мынтыны, пуктыны щӧщ уԁостовереԋԋӧ Ісполкомыԍ.