Общественнӧј лавкајасӧ пајӧ пырӧм-јылыԍ

1) Общественнӧј лавкајасӧ пајӧ пырӧны ас вӧԉаыԍ.

2) Чԉенӧ пырӧмыԍ боԍтԍӧ вступіԏеԉнӧј — 30 шајт (1922 воԍа ԃеԋгаӧн) ԁа пај — 120 шајт, ставыс боԍтԍӧ 150 шајт. Пај лӧԍӧԁӧма ԋаԋ ԁон-ԍерԏі.

3) Пајӧ пырны поԅӧ быԁӧнлы, коԁлы тырі 16 арӧс.

4) Пај пуктыԍԍӧ ӧтпыр Общественнӧј лавка воԍтӧм бӧрын кык тӧлыԍ тыртӧԇ. Тајӧ строк бӧрын пај боԍтԍыны кутас пуԁ ԍу ԁон.

5) Гӧԉ јӧзлы, коԁі оз вермы пуктыны пај, общеј собраԋԋӧ вермас лӧԍӧԁны ӧԏік пај, барышԍыс 25% бергӧԁны сы-вылӧ.

6) Во помаԍӧм-мыԍԏі 25% лавка барышыԍ јукԍӧ пајјас-ԍерԏі быԁ пајщіклы.

Соԁтас: Віт пајыԍ унҗык ӧԏік мортлы пуктыны оз поԅ.

7) Вступіԏеԉнӧј бӧр оз ԍетчы. Пај, петан-кӧ обществоыԍ, ԍетчӧ бӧр, сӧмын оз пыр, во помаԍӧм-мыԍԏі, кор общӧј собраԋԋӧ віԁлалас лавкалыԍ отчот, ԁа кор пај боԍтыԍ морт уҗјӧзсӧ вештас.

8) Пајщікјаслы тӧвар вузалӧны ԁонтӧгҗык, унҗык ԁа ӧԁјӧҗык.