ЗЫВГӦМ ВІԌӦМ КАГАЈАСЛӦН

Меԁбур ԉекарство зывгӧм віԍӧмыԍ бур ԍојан, сӧстӧм возԁук, шонԁі југыԁ.

Віԍыԍ кагаӧс јонҗыка колӧ верԁны пуӧм јӧлӧн, ԋебыԃіка пуӧм коԉкјӧн, чӧскыԁҗык ԋаԋӧн. Арӧн җынјӧныԍ-кӧ ыҗыԁ сіјӧ, нӧшта поԅӧ верԁны јајӧн.

Тӧжԁыԍны колӧ олан ін віԇны сӧстӧма: бус-ԋі, ԋајт-ԋі, ԉок ԁук-ԋі меԁ ез вӧв сен. Унҗыкыԍ колӧ ыркӧԁлыны олан інсӧ выԉ возԁукӧн, ӧԇӧс ԉібӧ ӧшіԋјас воԍтывны. Сӧмын віԍыԍӧс оз ков леԇны пукавны тӧв јылын. Гожӧмын віԍыԍӧс віԇны ывлаынҗык. Віԍыԍјасӧс, арӧн-җынјӧнԍаԋ, оз-кӧ кызны, шоныԁа паԍтӧԁӧмӧн тӧвԍа шоныԁ лунјасӧ колӧ петкӧԁлыны ывлаӧ гуԉајтны.

Оз лӧԍав віԍыԍлы пемыԁ, васӧԁ ԁа кӧԇыԁ олан ін. Колӧ сіјӧс віԇны југыԁ інын, шонԁі воԇын.

Меԁ бур гожӧмын лӧԋ інӧ лӧԍӧԁны міча сӧстӧм лыа. Жар лунјасӧ віԍыԍјасӧс віԇны лыа вылас. Пӧртчӧԁны најӧс, сӧмын јеҗыԁ чышјанӧн чышјанӧԁны. Зыртны віԍыԍлыԍ кокјассӧ кыкыԍ кымын лун кежлӧ ԋебыԃік плаԋеԉӧн ԉібӧ ној торјӧн.

Посԋіԃік віԍыԍјасӧс оз ков мырԁӧн ԁыр пукӧԁны лыа вылын, меԁ еԍкӧ оз гӧрбыԉтчыны.

Тащӧм зывгӧм віԍӧмӧн віԍыԍ кагајасӧс кызӧм ԁа мыт віԍӧмыԁ јонҗыка віԍӧԁӧ. Сы-вӧсна најӧс јона колӧ віԇны ԁа ԁӧԅӧрітны наыԍ.