ЛУԀӦМ
Луԁыԍ морт кучік пыщті ветлӧԁлӧны, коԁјыԍӧны аслыс ԍікас зев посԋіԃік (куш ԍінмӧн оз тыԁавны) чераԋ-коԃ гагјас. Најӧ вӧрӧшітчігӧн јајыԁ і луԁӧ. Јӧз-кӧ олӧ ԇескыԁ інын, ԋајт пыщкын, уԅлӧны чукӧрӧн ӧԏі воԉпаԍын, новлӧны ӧԏі пӧлӧс ԋајт паԍкӧм, — луԁӧм вӧчыԍ гагјас віԍыԍ вылыԍ вуҗӧны ԇоԋвіԇа јӧз вылӧ. Најӧ щӧщ понԁасны луԁны. Ӧԏі ԍемја котырыԍ-кӧ віԍмасны луԁӧмӧн уна морт, колӧ бурԁӧԁчыны ставыслы ӧтпырјӧн. Он-кӧ ӧтпырјӧн бурԁӧԁчы, мӧԁпӧв вермас віԍӧмыс віԍыԍԍаԋыс вуҗны.
Луԁӧм віԍӧмыԍ бурԁӧԁчӧны маԅӧн. Маԅӧн зыраԍтӧԇ колӧ бура пывԍыны, мыԍԍыны, чышкыԍны косӧԇ, сеԍԍа вӧԉіԍ зыравны луԁан інјасті. Зыраԍӧм бӧрын паԍтавны выԉ мыԍкалӧм ԁӧрӧм-гач, вежны воԉпаԍ ԁа јурлӧс ежӧԁ. Пӧртчӧм паԍкӧмыԍ колӧ бырӧԁны луԁан гагјассӧ ԁа коԉксӧ налыԍ. Сы-вӧсна кӧлујтӧ колӧ јона пуны кунва пыщкын.
Зыраԍӧм бӧрын кык-кујім лун-мыԍԏі бара колӧ пывԍыны-мыԍԍыны, бара зыраԍны ԁа вежны выԉ мыԍкӧм воԉпаԍ ежӧԁ ԁа паԍкӧм.
Важ коми гижӧд