КОМІ ԊІГА ЛЕԆӦМ-ЈЫЛЫԌ

Ӧні понԁісны школаын коміӧн велӧԁны, кутісны комі ԋігајас леԇавны. Мыјла-нӧ сіԇі вӧчісны? Војԁӧр тајнӧ школајасын вӧлі рочӧн велӧԁӧны.

Комі чеԉаԃ рочӧн аԉі коміӧн бурҗыка гӧгӧрвоӧны? Тӧԁӧмӧн коміӧн! Меԁым чеԉаԃыс гӧгӧрвоасныҗык мыјӧ најӧс велӧԁӧны, ӧні кутісны велӧԁны коміӧн. Коміӧн велӧԁігӧн ковмісны комі ԋігајас. Војԁӧр комі ԋігајас ез вӧвны, ковміс најӧс лӧԍӧԁны ԁа печатајтны. Меԁ бурҗыка лӧԍӧԁны ԋігајассӧ, ковміс тӧԁмавны комі јӧзлыԍ ԍорԋісӧ, воԇԇа олӧмсӧ, ԁа ӧнја олӧмсӧ. Чукӧртчісны Сыктывԁін карӧ комі гіжыԍјас тајӧ уҗсӧ вӧчны, јона лоі налы мырԍыны. Војԁӧр отсалыԍјас налы ԋекоԁ ез вӧв, унҗыкыс вӧлі паныԁ мунӧ, отсалӧм пыԃԃі ԇугӧ тајӧ уҗсӧ. Ԍӧмыԁ ез вӧв, уна тор вӧлі оз тырмы. Ӧні вӧԉыԍті уҗыс артмыныҗык кутіс.

Ӧнӧдз петісны комі ԋігајас: 1) Лыԃԃыԍны велӧԁчан (Санԁрӧ Ваԍӧлӧн); 2) Законпуктас; 3) Шонԁі југӧр; 4) Војтӧв шувгӧм; 5) Гӧрԁ пӧԉан; 6) Нывбабајас, тіјанлы шуам мі; 7) Комі грамаԏіка туј піԍкӧԁыԍ (Санԁрӧ Ваԍӧлӧн); 8) Выԃԃыԍны-гіжны вевӧԁчан (Пермакјас ԍорԋі ногӧн); 9) Посԋі чој-воклы мојԁан кывјас.

Ӧні печатајтӧны ԋігајас: 1. Мошщі јылыԍ ԁа 2. Шонԁі петігӧн ԇорыԇ коԍміс (Ԋобԁінса Вітторлӧн пјеска.)

Ԋігајас оз сӧмын школајаслы лӧԍӧԁны: лӧԍӧԁӧны гырыԍјаслы щӧщ, став комі јӧзлы, меԁ быԁсӧн вермісны лыԃԃыԍны, тӧԁмаԍны, кыԇі мукӧԁ јӧз олӧны, кыԇі колӧ овны.

Ӧні ԋіга леԇан інын уҗалӧны: М. И. Йоль, В. А. Молодцов, Н. А. Шахов, А. Н. Надеев, В. И. Лыткин, А. Н. Чеусова, А. А. Суханова, А. А. Заболоцкая, В. Т. Чисталев, И. Т. Чисталев, сеԍԍа мукӧԁ.

Уна гіжісны комі гіжыԍјас: Ԋобԁінса Віттор (В. А. Савин), Збој Војтыр (Н. П. Попов), М. Н. Лебедев, И. В. Митюшев, Ваԍ Пеԁӧр (Ф. В. Попов), Кос кулак (И. Е. Худяев), Ваԍіԉеј Јогор (Е. В. Колегов), Варыш (А. А. Маегов), Габӧ Пеԁӧр Ӧԉӧксан-пи (А. А. Чеусов), И. А. Суханов, И. В. Жеребцов, М. Ульныров, А. С. Сидоров, Г. Старцев.