КОМІ ЈӦЗ ІСТОРІЈАЫԌ

Важӧн коркӧ уна ԍурс ԍо во сајын комі јӧз овлӧмаӧԍ зев паԍкыԁ інын: асыв-војвыв Роԍԍіја јукӧнас вӧлӧма ставыс комі (ӧнја Мӧскуајасын быԁӧн). Сеԍԍа ԁырӧн најӧӧс зырӧмаӧԍ асыв-војвыв Роԍԍіја пеԉӧсӧԇ.

Комі јӧзлӧн вӧлӧма асланыс кԋаԅјас (ӧкԍіјас). Ӧніја Перымскеј губерԋаын вӧлӧма кԋажество „Перм Веԉікаја“. Сіјӧс роч сар Іван ІІІ пӧкӧрітӧма 1472 воӧн. XV-ӧԁ немын локтӧма Ԍтепан Перымскеј. Сіјӧ Ежва вожса да Сыктыв вожса коміӧс Крістос вераӧ пыртӧма.

Сыӧԇ комі јӧз јурбітлӧмаӧԍ уна јенлы. Меԁ ыҗыԁ јенмыс вӧвлӧма јенеж. Сіјӧс шулӧмаӧԍ „јен“. Сеԍԍа јурбітӧмаӧԍ шонԁілы, тӧлыԍлы, Војпеԉлы, јомалы. Јенјаслы вајлӧмаӧԍ коԅінјас (жертва), бурмӧԁлӧмаӧԍ најӧс. Ӧнја попјас-пыԃԃі секі вӧвлӧмаӧԍ тунјас, најӧ кевмыԍлӧмаӧԍ јенјас воԇын.

Ԍтепан Перымскеј коміӧн гіжлывлӧма ԋігајас і велӧԁӧма мукӧԁӧс коміӧн гіжны-лыԃԃыны. Сы ԁырјі Ежва-Сыктывса коміјаслӧн јур карыс вӧлӧма Јемԁін.

Сетчӧ Ԍтепан Перымскӧј јепіскоп капеԁра лӧԍӧԁӧма. Сіјӧс пуктісны комі јӧз вылын ыҗыԁӧ.

Ԍтепан Перымскеј зев јона сулаліс комі јӧз понԁа. Сіјӧ ез леԇ ԋекоԁлы комі јӧзӧс кеԇовтны.

1385 воын сіјӧ вӧтліс новгороԁса роч розбојԋікјасӧс, коԁјас комі јӧзӧс вӧлі локтӧмаӧԍ грабітны. Јӧграӧс сіјӧ воӧ-жӧ вӧтліс.

1386 воӧ комі муын ԋаԋыс кынмӧма. Секі, сіјӧ корӧм-куԅа, комі јӧзӧс мезԁісны вотыԍ.

Ԍтепан Перымскеј кулі 1393 воын. Ԍтепан Перымскеј бӧрын лоіны роч јепіскопјас. Најӧ комі јӧз понԁа омӧԉа тӧжԁыԍісны.

1585 воын Јемԁіныԍ јепіскоп капеԁра нуӧмаӧԍ Вӧлӧгԁаӧ. Сеԍаԋ комі му кутіс лыԃԃыԍны прӧстӧј вӧлӧԍтӧн.

Ԍтепан Перымскејԍаԋ комі му ԍурі Мӧскуа кі улӧ. Пукталісны роч суԃԃајасӧс, вот перјыԍјасӧс. Суԃԃајас кутісны ԇескӧԁны комі јӧзӧс. Комі јӧз — рам јӧз, но мукӧԁ-ԁырјіыс ԏерпеԋӧԍыс петлісны і паныԁ сувтлісны суԃԃајасыԁлы.

Ԋіколај І сар-ԁырјі Кулӧмԁінын вӧлӧма востаԋԋӧ: корӧмаӧԍ вот чінтыны. Сы пыԃԃі Кулӧмԁінса јӧзсӧ јі вылын розгаӧн нӧјтӧмаӧԍ.

Ӧні комі јӧзлы бӧр ас кіас асԍыныс олӧмнысӧ ԍетісны. Ԋекоԁ оз бокԍаԋ конјавлы најӧс. Асԍыныс олӧмтӧ аԍныԁ лӧԍӧԁӧј!