| МЕԀА | |
| Комі муын ачым чужі, | |
| Тӧԁса меным комі кыв; | |
| Ԍӧлӧмԍаԋ ме, кыԇі кужі, | |
| Гіжі тајӧ ԍыланкыв. | |
| Уна ԁумјас менам јурын | |
| Гіжіг-костті вежԍісны, | |
| Уна војјас гіжӧԁ-бӧрын | |
| Менам уԅтӧг вешјісны. | |
| Тајӧ ԍылӧм — комі олӧм, | |
| Ԋінӧм абу тані лӧж; | |
| Асԍыԁ олӧм тӧԁны колӧ, | |
| Быԁтор овлывлӧ нем-чӧж. | |
| Ԍылӧм-бӧрын татыԍ аԁԇам | |
| Кущӧм міча комі кыв; | |
| Комі кывјыԍ оз ло јанԇім: | |
| „Комі јӧзлы — комі кыв“. | |
| I | |
| Гожԍа војын Ежва јуԍаԋ | |
| Кыптӧ јеҗыԁ,-кӧԇыԁ-ру. | |
| Віԇјас-вылӧ лысва уԍӧ, | |
| Лаԋтӧ, шојтчӧ Комі-му. | |
| Вылыс ԍіктын, вӧлӧԍт-куԅа | |
| Ԋекӧн шы-ԋі зык оз кыв, | |
| Аскі праԅԋік. Ставыс уԅӧ, | |
| Ԋекӧн ныв-ԋі зон оз ԍыв. | |
| Комі муын, Ежва-вылын | |
| Асывоԇӧԇ руалӧ; | |
| Кустјас-пӧвсын, нӧрыс-јылын | |
| Міча керка сулалӧ. | |
| Ԁолыԁ овны тащӧм інын: | |
| Гӧгӧр ԇоԉгӧ, ԍылӧ кај... | |
| Нӧрыс-јылын ежва-ԁінын | |
| Гажа саԁјын — быԏԏӧ рај! | |
| Ру пыр соԁӧ, кыптӧ вылӧ; | |
| Уԅӧ нӧрыс-јылын саԁ. | |
| Кӧнкӧ кылӧ петук ԍылӧ... | |
| Воіс војшӧр, војшӧркаԁ. | |
| Кӧнкӧ кылӧ воԍԍіс ӧԇӧс... | |
| Кылӧ кага-бӧрԁӧм шы. | |
| Поліг-тырјі борјӧԁ ӧԁјӧ | |
| Нӧрыс-јылӧ летчӧ ныв. | |
| Морӧс-берԁас кага бӧрԁӧ | |
| Рузум-піын наԇӧԋік; | |
| Керка-ԁорӧ ԉӧм куст-берԁӧ | |
| Јокмыԉ пуктӧ гуԍӧԋік... | |
| __________ | |
| Паԍкыԁ муын, муса аԋјас, | |
| Уна-пӧлӧс олан-ног; | |
| Міча нывјас, роч-акаԋјас, | |
| Уна тӧԁлаԁ гаж і шог. | |
| Ныв-гаж-каԁын ставныԁ томӧԍ, | |
| Ԍӧлӧм раԁлӧ, ворсӧ вір... | |
| Пі-кӧ чужӧ мусук-помыԍ — | |
| Корԍаԁ сылы җуҗыԁ јір. | |
| __________ | |
| „Југыԁ шонԁі, вӧԉнеј ԍветӧј, | |
| Ԍӧлӧмшӧрӧј муса пі! | |
| Шогӧн чужті... Кытчӧ ԍеті? | |
| Кӧк-моз тенӧ еновті. | |
| Бур-јӧз-шӧрӧ, гашкӧ, інан, | |
| Гашкӧ, ловја коԉан те, | |
| Гашкӧ, коркӧ аслам ԍінмӧн | |
| Аԁԇа тенԍыԁ быԁмӧмтӧ... | |
| Зарԋі-піӧј, лоін пырттӧм, | |
| Веԍіг ԋімтӧ ме ог тӧԁ; | |
| Кевма јенԍаԋ теԁ бур мывкыԁ, | |
| Меԁ те ԋекор шог он тӧԁ. | |
| Јен меԁ віԇас омӧԉ јӧзыԍ, | |
| Меԁ зев шуԁа лоан те... | |
| Прӧԍԏіт менӧ, прӧԍԏіт езыԍ, | |
| Жаԉӧн коԉа тенӧ ме“. | |
| __________ | |
| Асыв-вылын кыа петӧ, | |
| Кустын кајјас ԍылӧны; | |
| Ԉӧм-куст-улыԍ шога петӧ, | |
| Борјӧԁ ԍіктӧ кајӧ ныв | |
| Бара, кылӧ, воԍԍіс ӧԇӧс... | |
| Кылӧ ӧԇӧс ԍіптӧм шы. | |
| Ԉӧм-куст-улын кага бӧрԁԇіс | |
| Мамыс бӧрԁӧмсӧ оз кыв. | |
| Асыввылын шонԁі кыптӧ, | |
| Лысва коԍмӧ пышјӧ ру. | |
| Міча-Ежва гажа шывгӧ, | |
| Саԃмӧ-ловԅӧ Комі-му. | |
| IІ | |
| Нӧрыс-јылын, гажа позјын, | |
| Міча коԉԉалӧны нем, | |
| Гуԉујас-моз, пӧрыԍ гозја, | |
| Быԁтор, мајбырјаслӧн, ем: | |
| Міча керка лунӧ-бана, | |
| Керка-гӧгӧр — овмӧс тыр. | |
| Лӧԍыԁ овны налы тані, | |
| Тащӧм рајаԁ шог оз пыр! | |
| Шоныԁ рытјас коԉԉалӧны | |
| Кіԉчӧ-вылын кыкӧн пыр; | |
| Бурӧн-жаԉӧн каԅтывлӧны | |
| Коԉӧм олӧм бура-ԁыр. | |
| — "Кывзы, Наста“, пӧрыԍ шуӧ: | |
| „Менӧ боԍтӧ кущӧм шог: | |
| Регыԁ мунам мӧԁар-муӧ,- — | |
| Коԁлы коԉам олан-ног? | |
| Ԁырӧн чӧжім ембур уна, | |
| Унҗык-вылӧ веж оз пет; | |
| Быԁтор суԇԍӧ, ԋінӧм шуны, | |
| Сӧмын чеԉаԃ јен ез ԍет... | |
| Пӧра коԉӧ вынјас бырӧ, | |
| Регыԁ суас пӧрыԍ-каԁ; | |
| Менам ԍӧлӧм шогӧн тырӧ, | |
| Оз-ԋін гажӧԁ нӧрыс-саԁ. | |
| Коԁі-бара міјан-бӧрын | |
| Ԁаԍ бур-овмӧс уҗалас? | |
| Коԁі-бара кулӧм-бӧрын | |
| Бура ԇебас-гуалас?“... | |
| Уна-ԍ таԇі пӧрыԍ-гозја | |
| Гожԍа рытын шогԍӧны; | |
| Гажтӧм овны гажа позјын: | |
| Абу налӧн пі ԋі ныв. | |
| IІІ | |
| Ежва куԅа ылӧ кылӧ | |
| Праԅԋіклунӧ асја звӧн. | |
| Пӧрыԍ петіс кіԉчӧвылӧ. | |
| Асыв шоныԁ, міча, лӧԋ. | |
| Јенеж-вывԍаԋ југыԁ шонԁі | |
| Ԍавкјӧ југӧр, јорӧ ԍін, | |
| Ставсӧ, мајбыр, сіјӧ шонтӧ, | |
| Сылӧн шоныԁлун оз чін! | |
| Лунтӧв руӧн Ежва-вылын | |
| Ворсӧ посԋіԁ-ԍера гы; | |
| Нора јургӧ јагыԁ, ылын, | |
| Асја звӧнлӧн јӧла шы. | |
| Мӧԁла-пӧлын утка горзӧ, | |
| Кӧнкӧ, кылӧ, кӧкӧ кӧк; | |
| Гӧгӧр раԁлӧ, ставыс ворсӧ... | |
| Мајбыр олӧм — гажа вӧт! | |
| * * * | |
| Пӧрыԍлӧн щӧщ шогјас вуні, | |
| Кывзӧ гажсӧ веԉ-ԋін ԁыр; | |
| Наста петӧ вічко мунны, | |
| Шуӧ: „Трӧшко, гортаԁ пыр!“ | |
| Пӧрыԍ сені шај-пај муніс, | |
| Торкԍіс сылӧн ојбыр-ԁум: | |
| „Чӧвлы, Наста, — сіјӧ шуіс: | |
| Кущӧм гажа локтӧ лун!“ | |
| Пернапасӧн Наста летчӧ | |
| Кіԉчӧ-поскӧԁ ԋӧжјӧԋік, | |
| Лабіч-вылыԍ Трӧшко четчӧ, | |
| Пырӧ гортас наԇӧԋік. | |
| Секі воіс керка-сајыԍ | |
| Налы нора бӧрԁӧм шы. | |
| — „Бласлӧ крістос! Мыј-нӧ тајӧ?“ | |
| Шемӧс боԍтіс, оз пет кыв... | |
| IV | |
| Јенеж-вывԍаԋ нӧрыс-јылӧ | |
| Шонԁі-југӧр пукԍӧма; | |
| Ԉӧмпу-улӧ, кага-вылӧ | |
| Щӧщ-тај југӧр усӧма. | |
| Југыԁ-шонԁі шоныԁ-лолыԍ | |
| Уԅыԍ кага саԃмӧма. | |
| Коԁ-нӧ аԁԇас?... Мамыс коԉіс... | |
| Коԋӧр, бӧрԁны мӧԁӧма. | |
| Бӧрԁӧм шыаԁ ԉӧмкуст-берԁӧ | |
| Пӧрыԍ-гозја — котӧрӧн. | |
| Трӧшко шенԅӧ. Насԏа бӧрԁӧ — | |
| Ԍінва кіԍԍӧ ԏурӧбӧн: | |
| — „Бласлӧ крістос, мыј-нӧ тајӧ?“ | |
| — „Чӧвлы, Наста, те ен бӧрԁ! | |
| Аԁԇан — јенмыԁ шуԁтӧ вајӧ: | |
| Ӧԁјӧ боԍт вај, гортӧ пырт!“ | |
| Наста полӧ. — „Кыԇ-нӧ боԍта?.. | |
| Вај те, Трӧшко, ачыԁ ну!... | |
| Ме теԁ воԇвыв ӧԇӧс воԍта... | |
| Аттӧ, грек меԁ оз-жӧ су!“.. | |
| Ԋімкоԃ-пырыԍ, ԇӧран кінас | |
| Трӧшко боԍтіс мозԁорас, | |
| Топӧԁыштіс морӧс-ԁінас: | |
| — „Чуркі-буԃі, зԁоров-на!".. | |
| Гажа керка ез-на кывлы | |
| Ԋекор чеԉаԃ-бӧрԁӧм шы, | |
| Тащӧм јоԍа ез-на ,,ԍывлы“ | |
| Тані ԋекор пі ԋі ныв. | |
| Ӧні быԏԏӧ кыптіс, ловԅіс, | |
| Југԁіс, воԍԍіс керканыс. | |
| Пӧрыԍ каԁныс быԏԏӧ овԍіс, | |
| Быԏԏӧ том-каԁ бергӧԁчіс. | |
| * * * | |
| Ԏешкоԃ олӧм мунӧ муын, | |
| Оз ԍур ӧткоԃ олан-ног: | |
| Коԁлы-ԍурӧ чеԉаԃ мустӧм, | |
| Мукӧԁыслы натӧг шог. | |
| * * * | |
| Наста шуӧ: „Вајлы меным, | |
| Ічӧԏіка тӧкӧԁа”. | |
| — „Часлы, Наста, енлы, ме-на | |
| Вӧԃітышта тӧкӧԏӧ“... | |
| Трӧшко-пӧԉӧ җоҗӧԁ ветлӧ, | |
| Шерԁјӧ бӧрԁыԍ акаԋӧс... | |
| — „Вај те ӧԁјӧ, Наста, ветлы | |
| Корԍны вежај-вежаԋӧс; | |
| Ԍывԍӧм-бӧрын талун пыртам, | |
| Кутам тӧԁны талыԍ ԋім“... | |
| Наста муніс. Трӧшко пыркјӧ; | |
| ,,Ӧв-вӧ, бај-бај, лӧԋышт-ԋін“.. | |
| Ԁӧра-піӧ сакар-сорӧн | |
| Ԋакԉалыштіс руԇӧг-ԋаԋ: | |
| „Налы тајӧс... бӧрԏі ԍурӧн... | |
| Ӧв-вӧ... кіԍ-кіԍ... бураԍ, шаԋ“... | |
| Кага лаԋтіс. Трӧшко раԁлӧ — | |
| Ԍерам-банӧн ветлӧԁлӧ. | |
| Ӧшіԋ-пырыс аслас саԁлы | |
| Ԁона-јокмыԉ петкӧԁлӧ: | |
| „Зарԋі-саԁјӧј, гажа-саԁјӧј, | |
| Со-ӧԁ мыј те мӧԁӧԁін. | |
| Ег-ԋін чајтлӧ пӧрыԍ-каԁӧ | |
| Шуԁалунјас тӧԁлыны!.“ | |
| * * * | |
| Пӧрыԍ јӧзлы, мајбыр, ԋімкоԃ | |
| Шогыс ставыс бырӧма!.. | |
| Вылыс-ԍіктын сотчӧ, бі-коԃ, | |
| Том ныв, шогӧн тырӧма. | |
| Коԋӧр-нылыԁ гортас бӧрԁӧ — | |
| Ловјӧн пісӧ оз-ԋін чајт. | |
| Ԃерт, став-ԁумыс ԉӧмкуст-берԁын, — | |
| Ԃерт, мам-ԍӧлӧмыԁ оз лаԋт!.. | |
Важ коми гижӧд
