ԌЕЗОННӦЈ РОБОЧӦЈЈАС ОБШЩЕЖІԎԎӦ ПЫЩСА ПРАВІЛӦЈАС
1) Обшщежіԏԏӧын поԅӧ овны сӧмын сіјӧ робочӧјјаслы, коԁјас уҗалӧны (учрежԃеԋԋӧ ԋім). Уҗ вылыԍ петӧм робочӧјјаслы тајӧ обшщежіԏԏӧас местасӧ колӧ прӧстмӧԁны уҗ вылыԍ петӧм бӧрын (віт, ԍіԅім) лун мыԍт. Та јылыԍ најӧ ԍетӧны кӧсјыԍӧм обшщежіԏԏӧӧ пырігӧн. Робочӧј аԍԍыс кӧсјыԍӧмсӧ кӧ оз пӧрт олӧмӧ, обшщежіԏԏӧыԍ лоӧ вӧтлӧма аԃміԋістраԏівнӧја олан места бокыԍ ԍеттӧг.
Оз поԅ овмӧԁчыны обшщежіԏԏӧӧ став ԍемјалы, уҗалӧ-кӧ сӧмын робочӧјыс ачыс.
2) Сӧстӧммӧԁчытӧг робочӧјјасӧс обшщежіԏԏӧӧ оз леԇны. Та понԁа колӧ став кӧлујӧн ветлыны сӧстӧммӧԁчыны. Ԍӧрыԍ колӧ боԍтлыны став вылысса паԍкӧм.
Сӧстӧммӧԁчӧм јылыԍ колӧ обшщежіԏԏӧса коменԁантлы ԍетны справка. Тајӧ справкатӧгыс обшщӧжіԏԏӧыԍ места оз ԍетԍы.
З) Обшщежіԏԏӧын оланін інԁалӧ коменԁант, сіјӧ тајӧ јуклӧмсӧ вӧчӧ нормајас ԍерԏі, м. н.-кӧ, меԁ уԅланінјасын быԁ морт вылӧ еща вылӧ воіс 3,5 кваԁратнӧј метр ыҗԁа местаӧн.
Став комнатајассӧ, а комнатајасын којкајассӧ колӧ нумерујтны. Быԁ комната ӧԇӧсӧ колӧ ԉаскыны бумага ԁа сетчӧ гіжны, ыҗыԁӧ тајӧ комнатаыс (кымын кваԁратнӧј метр), кымын морт олӧ, олыԍјаслӧн овјас, кущӧм нумера којкаын коԁі уԅлӧ ԁа.
Чорыԁа ԁугӧԁны коменԁантлыԍ јуаԍтӧг вежлавны којкајас, мунны ӧԏі комнатаыԍ мӧԁӧ.
4) Обшщӧжіԏԏӧӧ воыԍ робочӧјјаслы колӧ вајны ԍӧраныс ԁа ԍетны коменԁантлы став ескӧԁанпасјас: уҗ вылӧ пырӧм јылыԍ, сӧстӧммӧԁчӧм јылыԍ, ԇоԋвіԇалун јылыԍ ԁа с. в.
5) Сіјӧ робочӧјлы, коԁлы поԅӧ пырны обшщӧжіԏԏӧӧ, колана ескӧԁанпасјас вајӧм бӧрын, ԍетӧны:
а) комната, коԁӧс понԁасны сылы шонтыны, југԁӧԁны ԁа сӧстӧммӧԁны (пеԉкӧԁны);
б) сӧстӧм торја којка, періна ԁа пӧԁушка, коԁјасӧс ԍујалӧма кос турунӧн ԉібӧ іԇасӧн;
в) пуӧм ва, еща вылӧ быԁ лун кујімыԍ быԁ ԍменалы (уҗалан каԁ ԍерԏі, меԁ быԏ-ԋін вӧліс пуӧм ваыс уҗ вылыԍ воігӧн).
Обшщӧжіԏԏӧын олӧмыԍ быԁ олыԍлыԍ понԁас кутԍыны .... шајтӧн тӧлыԍ, коԁӧс кутӧны уҗԁон ԍеталігӧн;
6) Обшщӧжіԏԏӧыԍ мунны-воны поԅӧ 7 час асывԍаԋ ԁа 12 војӧԇ. Војшӧрбӧрын ԁа 7 час асылӧԇ обшщежіԏԏӧыԍ петны ԋі пырны оз поԅ. Сӧмын поԅӧ налы, коԁјас воӧны уҗ вылыԍ уҗ помаԍӧм бӧрын 1 час мыԍԏі.
Бокӧвӧј јӧзлы обшщежіԏԏӧын оз поԅ овны 11 час рытԍаԋ 7 асылӧԇ. Бокыса јӧзлы оз поԅ уԅны обшщӧжіԏԏӧын (лун коԉԉан ногсӧ колӧ места ԁа уҗ ԍерԏі, уҗ завоԃітчан ԁа помаԍан каԁјас ԍерԏі).
7) Обшщежіԏԏӧын колӧ овны пыр сӧстӧма ԁа бура:
а) обшщежіԏԏӧӧ пырігӧн коктӧ колӧ чышкавны;
б) вылыс паԉтотӧ, шапкатӧ оз поԅ віԇны којка вылын, колӧ ӧшлыны тувјасӧ;
в) сунԁукјас, јашщікјас ԁа мукӧԁ кӧлуј оз ков віԇны уԅлан комнатаын, а колӧ новлыны кумӧ. Сіԇ-жӧ уԅланінын оз поԅ віԇны ԁука торјас;
г) оз поԅ мыј ԍурӧсӧ шыблавны җоҗӧ ԁа ԍӧлавны;
ԁ) оз поԅ уԅланінјасын курітчыны, курітчыгӧн колӧ петавны посвоԇӧ ԉібӧ курітчан комнатаӧ. Чігарка помјас шыблавны колӧ торја та вылӧ вӧчӧм јашщікӧ;
е) којка вылын оз поԅ ԍојны ԁа віԇны ԍојанторјас, ԍојан колӧ віԇны шкафын, оз поԅ ԍојантӧ пуны уԅлан комнатаын;
ж) воԉпаԍ вылӧ оз поԅ воԁны кӧмӧн; асылын, четчӧм бӧрын воԉпаԍтӧ колӧ бура лӧԍӧԁны;
з) оз поԅ уԅлан комнатаын весавны паԉто ԁа кӧмјас;
і) оз поԅ уԅлан комнатаын коԍтыны песлалӧм торјас (ԋамӧԁјас, ԁӧрӧмјас, гачјас ԁа с. в.), а тајӧ уҗсӧ вӧчны ывлаын ԉібӧ щук та вылӧ лӧԍӧԁӧм местаын;
к) пывԍыны еща вылӧ быԁ вежонын ӧтчыԁ, пывԍігӧн вежны улыс ԁӧрӧмгач, а періна вылыс кышӧԁ (прӧстыԋа) ԁа пӧԁушка кышӧԁ вежлавны быԁ тӧлыԍ еща вылӧ ӧтчыԁ;
(Аԁміԋістраціјалы колӧ воԇвыв лӧԍӧԁны песлаԍыԍӧс ԁа ԍорԋітчыны пывԍан јылыԍ);
л) віԇӧԁны, меԁым комнатајасын сынӧԁыс вӧліс сӧстӧм, колӧ јонҗыка воԍсаӧн віԇны ӧшіԋјас, форточкајас, ԁушԋікјас ԁа с. в;
м) сӧстӧма віԇны уборнӧјјас.
8. Обшщӧжіԏԏӧса коменԁантлы колӧ обшщежіԏԏӧ сӧстӧмлун бӧрԍа віԇӧԁны ԁа щӧктыны колана інјассӧ сӧстӧммӧԁны. Коменԁант кутӧ кыв обшщежіԏԏӧ сӧстӧмлун понԁа ԁа сылы колӧ:
а) комнатајасӧ лӧԍӧԁны тырмымӧн олан кӧлуј: табуреткајас, пызанјас, періна кышӧԁјас, пӧԁушка кышӧԁјас-ԁа, којкајас, ва пуԅӧԁанјас, бакјас, веԁрајас, ԍӧлаԍан ԁозјас, мусӧр јашщікјас, паԉтојас ӧшлан тувјас-ԁа;
б) меԁавны тырмымӧн уборшщіцајас, інԁавны најӧс торја комнатајасӧ ԁа віԇӧԁны кущӧма најӧ вӧчӧны асԍыныс уҗнысӧ;
в) колӧ віԇӧԁны, меԁым керкасӧ пеԉкӧԁісны быԁ лун ԁа колӧм ԍерԏі: уԅланінјас, ԍојанінјас, уборнӧјјас ԁа мыԍԍанінјас колӧ пеԉкӧԁны еща вылӧ кујімыԍ быԁ лун.
Пеԉкӧԁны колӧ таԇі: кӧтӧԁӧм корӧԍӧн чышкавны җоҗјас, ва ротӧн чышкавны бус, воԍтавлыны ӧшіԋјас ԉібӧ форточкајас, мусӧр јашщікјас, курітчан ԁозјас, ԍӧлаԍан ԁозјас весавны ӧкмӧмјасыԍ. Уборнӧјјасын җоҗсӧ мыԍкалӧны быԁ лун, уԅлан комнатајасын — еща вылӧ ӧтчыԁ быԁ віт лунӧ, ӧшіԋјас — еща вылӧ ӧтчыԁ быԁ тӧлыԍ;
г) пуԅӧԁӧм ва бакјас быԁ лун мыԍкалӧны ԁа тыртӧны кӧԇԁӧԁӧм пуӧм ваӧн.
Уборшщіцајаслы пыр колӧ віԇӧԁны, меԁым бакын пыр вӧліс пуӧм ва, бак воԇын — кружка ԁа коԉасјас кіԍтавны веԁра;
ԁ) мусӧр гујасыԍ мусӧр ԁа уборнӧј гујасыԍ ӧкмӧмсӧ колӧ пыр новлыны, оз ков леԇны ԇікӧԇ чукӧрмынысӧ.
Уборнӧјсӧ колӧ пӧраыԍ пӧраӧ век ԃіԅінфекцірујтны: хлорнӧј іԅвескаӧн, карболкаӧн ԁа с. в.;
е) керка гӧгӧрсӧ іԁравлыны еща вылӧ быԁ лун ӧтчыԁ.
9) Обшщежіԏԏӧын-кӧ лоасны луԁікјас, пыщјас, тојјас, коменԁантлы колӧ пырыԍ-пыр прімітавны мерајас. Тојԍаласны-кӧ ӧткымынјас — ыстывны пывԍанӧ, вежны воԉпаԍсӧ; тојԍаласны кӧ унаӧн — јуӧртны саԋітарнӧј врачлы, меԁым сіјӧ вӧчіс ԃіԅінфекціја.
10) Быԁ којка вылын поԅӧ уԅлыны сӧмын ӧԏі мортлы. Којкајас коласӧ колӧ коԉны 40 см. ыҗԁа колас, јурјасті — 10 см., шӧрӧԁыс тујсӧ колӧ коԉны 130 см. паԍтаӧс. Оз поԅ којкајассӧ ӧԏілаӧԁны.
11) Обшщежіԏԏӧыԍ став комнатајассӧ колӧ бура проветрівајтны. Та понԁа, шоныԁ каԁ воӧм бӧрын унҗыка пӧрасӧ ӧшіԋјас колӧ віԇны воԍсаӧн, кӧԇыԁјас ԁырјі — меԁ еща вылӧ форточкајас вӧліс воԍтылӧма лунтырјӧн кујімыԍ ԁа віԇӧма воԍсаӧн час: воԁӧм воԇвылын, асылын четчӧм бӧрын ԁа лунын.
12) Меԁвоԇԇа отсӧг ԍетӧм вылӧ обшщежіԏԏӧын колӧ лоны апԏечка. Гырыԍ обшщежіԏԏӧјасын вермас лоны меԁпункт, а меԁпунктыс-кӧ абу, быԏ колӧ лӧԍӧԁны віԍыԍјасӧс віԇанін (ізоԉатор).
13) Коԁкӧ-кӧ віԍмас обшщежіԏԏӧын, коменԁантлы тајӧ віԍыԍсӧ колӧ воԁтӧԁны віԍыԍјас керкаӧ ԁа корны врачӧс.
14) Комнатајасын олыԍјаслы ас комнатаԍаԋныс колӧ бӧрјыны уполномоченнӧјӧс, а став обшщежіԏԏӧын колӧ бӧрјыны саԋітарнӧј коміԍԍіја. Саԋітарнӧј уполномоченнӧјыс ԁа саԋітарнӧј коміԍԍіја віԇӧԁӧны обшщежіԏԏӧ сӧстӧмлун бӧрԍа ԁа кыԇі нуӧԁԍӧ олӧмӧ саԋітарнӧј міԋімум.
15) Обшщежіԏԏӧын олыԍјаслы колӧ овны бура, ԋемтор ԋе жугӧԁлыны, ԋе гіжавны ԍԏенјасӧ. Обшщежіԏԏӧыԍ ԋемтор, кӧԏ і аԍԍыԁ оластӧ, коменԁант щӧктытӧг нуны оз поԅ.
Обшщежіԏԏӧыԍ петігӧн колӧ став боԍтлӧм торјассӧ — којка, шкаф, періна кышӧԁ, пӧԁушка кышӧԁ, ӧԃејало ԁа с. в. — бӧр ԍетны коменԁантлы.
16) Обшщежіԏԏӧын пыр колӧ лоны саԋітарно-пожарно-ԏехԋіческӧј журнал (контроԉнӧј ԋіга).
Коменԁант орԁын колӧ лоны сіԇ-жӧ і нораԍан ԋіга, кытчӧ вермӧны обшщежіԏԏӧын олыԍјас пасјавны аԍԍыныс інԁӧԁјаснысӧ ԁа щӧктӧмјаснысӧ. Ԋігасӧ колӧ номерујтны ԁа ԉаскыны сіјӧ учрежԃенԋӧса печаԏ, коԁі лӧԍӧԁіс тајӧ обшщежіԏԏӧсӧ. Тајӧ учрежԃеԋԋӧыслы колӧ пыр тӧԁмавны ԁа віԁлавны тајӧ ԋігаас гіжалӧм інԁӧԁјассӧ.
Воча кывјассӧ колӧ віԇны уна вылӧ віт лунмыԍ, кор тајӧ ԋігаас інԁӧԁсӧ, щӧктӧмсӧ ԉібӧ јуаԍӧмсӧ вӧліс гіжӧма.
17) Обшщежіԏԏӧ пыщса распораԁок правілӧјас колӧ ӧшлыны быԁ комнатаӧ, тыԁалана местајасӧ ԁа тајӧс лоӧ быԏ пӧртны олӧмӧ тајӧ обшщӧжіԏԏӧса став робочӧјјаслы ԁа служашщӧјјаслы. Ԋекоԁлы оз поԅ шуны, мыј ме ог тӧԁ тајӧ правілӧјассӧ.
Соԁтӧԁ. Обшщежіԏԏӧӧ пырігӧн быԁ робочӧјлы ԍетӧны тӧԁмаԍны обшщежіԏԏӧ пыщса распораԁок правілӧјасӧн ԁа сы бӧрын боԍтӧны роԍпіска (ескӧԁанпас).
18) Обшщежіԏԏӧын оз поԅ јуны сур, віна, оз поԅ воны гажаӧн (коԁӧн), ворсны картіӧн ԉібӧ мукӧԁ азартнӧј ворсанторјӧн ԃеԋгаыԍ, піԋаԍны (јортчыны), коԍаԍны ԁа хуԉігаԋітны. Тащӧм мыжјас вӧчалыԍјассӧ обшщӧжіԏԏӧыԍ пырыԍ-пыр вотлӧны ԁа ԍетӧны міԉіціја кіјӧ.
19) Коԁјас оз кӧсјыны пӧртны олӧмӧ обшщӧжіԏԏӧ пыщса распораԁок правілӧјас, налы: меԁвоԇыԍ — ԍетӧны выговор преԁупрежԃеԋԋӧӧн, мӧԁыԍ — аԃміԋістраԏівнӧја ыстӧны обшщӧжіԏԏӧыԍ. Коԁјас веԍкыԁа торкӧны обшщӧжіԏԏӧ пыщса олӧмлы, коменԁант најӧс ԍетӧ міԉіціја кіјӧ.
