САԊІТАРНӦЈ МІԊІМУМ ОЛӦМӦ НУӦԀӦМ ЈЫЛЫԌ ПЕТКӦԀЛАНА ԀОГОВОР^ḑоговор колӧ вӧчны места ԍерԏі./^

Саԋітарнӧј міԋімум јылыԍ Совнарком ԃекрет ԍерԏі, мі улынҗык кырымаԍӧмјас:

1) Обшщежіԏԏӧын олыԍ ԍезоннӧј робочӧјјас чукӧртчылӧм вылын бӧрјӧм уполномоченнӧјјас (овјасныс) .... .

2) Робочӧј-ԍезоԋԋікјас профеԍԍіонаԉнӧј оргаԋізаціјаса преԁставіԏеԉ — сојуз правԉеԋԋӧса преԁԍеԁаԏеԉ (ов) .... .

3) Обшщежіԏԏӧса хоԅајственнӧј оргаԋізаціјаԍаԋ преԁставіԏеԉ — правԉеԋԋӧса јуралыԍ (ов) .... лӧԍӧԁім тајӧ ԁоговорсӧ (общӧжіԏԏӧ ԋім ԁа места) обшщежіԏԏӧын саԋітарнӧј міԋімум олӧмӧ пӧртӧм понԁа.

Санміԋімум олӧмӧ пӧртӧм понԁа вылынҗык інԁалӧм быԁ оргаԋізаціја кӧсјыԍӧ вӧчны тащӧм уҗјас:

1. Мі, обшщӧжіԏԏӧын олыԍ ԍезоннӧј робочӧјјас, ас выланым боԍтам кӧсјыԍӧм овны чорыԁа обшщежіԏԏӧ пыщса распораԁок ԍерԏі ԁа аԍным боԍтԍам овны сӧстӧма, та понԁа мі шуам:

1) Быԁ ԍменаын нуӧԁны субботԋік обшщежіԏԏӧ весалӧм, пеԉкмӧԁӧм ԁа сӧстӧммӧԁӧм понԁа. Та понԁа быԁ брігаԁаӧс інԁыны торја комнатаӧ. Субботԋікӧ вӧчны .... (тӧлыԍ, лун, час).

Субботԋікјассӧ нуӧԁны інԁыны .... јортјасӧс.

2) Ԋе шыблавны җоҗ вылӧ бумага торјас, чігарка помјас, мусӧр, шыблавны ставсӧ мусӧр јашщікӧ. Сіԇ-жӧ оз поԅ җоҗ вылӧ ԍӧлавны ԁа чушны зырым.

3) Уԅланінјасын курітчыны оз поԅ, курітчыны поԅӧ сӧмын керкавоԇын (посвоԇын), курітчанінын ԉібӧ ывлаын.

4) Ветлывлыны брігаԁајасӧн, ԍменаӧн-ԍменаӧн пывԍанӧ еща вылӧ быԁ ԋеԃеԉ ӧтчыԁ ԁа быԁ пывԍігӧн вежлавны ԍӧԁ ԁӧрӧм-гач.

5) Ԋе леԇны обшщӧжіԏԏӧын јуны віна-ԋі, сур-ԋі.

6) Оз поԅ ԍојны уԅлан комнатајасын, ԍојны поԅӧ сӧмын та вылӧ інԁӧм комнатаын.

7) Јона сӧстӧма віԇны уборнӧјјас.

8) Оз поԅ воԁны воԉпаԍ вылӧ сапӧгјасӧн.

9) Којка горулыԍ іԁравны јашщікјас ԁа віԇны кумын (клаԁӧвӧјын). Вылыс паԍкӧм быԏ віԇны тувјасӧ ӧшлӧмӧн.

10) Оз поԅ леԇны ӧԏі којка вылын уԅлыны кыкӧн. Колӧ віԇӧԁны, меԁым којкајас вӧліс сувтӧԁлӧма костјасӧн.

11) Оз поԅ леԇны обшщежіԏԏӧын уԅны бокыса јӧзлы.

12. Оз поԅ ԋекоԁлы леԇны аԍнысӧ тојԍавны. Коԁкӧ-кӧ тојӧԍԍас, колӧ пырыԍпыр тојјассӧ бырӧԁны.

13) Бырӧԁны быԁсӧнлы аԍԍыс саԋітарнӧј тӧԁтӧмлунсӧ, та понԁа обшщежіԏԏӧын котыртны саԋітарнӧј кружок. Кӧсјыԍам шуӧм каԁјасӧ бура волывлыны кружок заԋаԏԏӧ вылӧ ԁа сіԇ-жӧ кыскам тајӧ кружокас аԍԍыным тӧварышјаснымӧс.

14) Котыртны саԋітарнӧј пеԉӧс („ԇоԋвіԇалун пеԉӧс“) лӧԍӧԁны сен-тӧ, сещӧм-тӧ лунӧԇ, тајӧ уҗсӧ нуӧԁӧмыԍ кывкутны понԁас .... јорт). Суԇӧԁны саԋітарнӧј міԋімум јылыԍ ԋігајас ԁа саԋітарнӧј міԋімум јылыԍ гіжны ԍԏенӧ ӧшӧԁан гаԅетӧ. Кӧсјыԍам быԁ кык тӧлыԍӧн еща вылӧ лыԃԃыны ӧԏі ԋіга саԋітарнӧј міԋімум ԁа ԇоԋвіԇалун кутӧм јылыԍ. Тајӧ уҗсӧ олӧмӧ пӧртӧм бӧрԍа віԇӧԁны щӧктам саԋітарнӧј коміԍԍіјаса шԉенјаслы (інԁавны овјас ԁа щӧщ інԁыны, коԁлы мыјыԍ лоӧ кывкутны ԁа кущӧм каԁӧԇ тајӧ уҗсӧ нуӧԁны).

15) Сӧстӧма олӧм бӧрԍа віԇӧԁӧм ԁа саԋітарнӧј міԋімум олӧмӧ нуӧԁӧм бӧрԍа віԇӧԁӧм могыԍ бӧрјам уԅланінјасԍаԋ ԉібӧ арԏеԉјасԍаԋ тащӧм јортјасӧс (інԁавны овјассӧ).

16) Ӧткымын ԍезоԋԋікјас-кӧ ԋекыԇі оз кӧсјыны нуӧԁны олӧмӧ міјанлыԍ боԍтӧм кӧсјыԍӧмјассӧ, мі кӧсјыԍам: меԁвоԇыԍ ԍетны преԁупрежԃеԋԋӧ, мӧԁыԍ — ԍетны выговор ставлы та јылыԍ јӧзӧԁӧмӧн, којмӧԁыԍнас — ԍетны тајӧ ԃелӧсӧ обшщественнӧј суԁӧ. Коԁјас саԋітарнӧј міԋімумсӧ олӧмӧ оз нуӧԁны тӧԁӧмӧн, тајӧ уҗыслы торкалӧны, щӧктыны аԁміԋістраціјалы тајӧ мортсӧ віԁлавны торјӧн ԁа вӧтлыны сіјӧс ӧтувја олан іныԍ.

17) Боԍтԍам нуӧԁны соціаԉіԍԏіческӧј орԁјыԍӧм: ....-ӧԁ №-а комната чуксалӧ орԁјыԍны ....-ӧԁ №-а комнатаӧс, с. в. Орԁјыԍан каԁ .... . Орԁјыԍны понԁасны тащӧмторјасӧн:

а) Оз ковны тӧрӧканјас, луԁікјас, пыщјас, тојјас, ог леԇӧ најӧс лоны ԁа лоӧны-кӧ, пырыԍпыр најӧс бырӧԁны.

б) Колӧ сӧстӧм сынӧԁ — сӧстӧммӧԁны сынӧԁсӧ јонҗыка уԅланінјасыԍ ԁа гожӧмын ӧшіԋјас ԁа форточкајас пыр віԇны воԍсаӧн; оз ков кыпӧԁны бус; оз ков весавны паԍкӧм уԅлан комнатаын.

в) Уԅланін — абу курітчанін — оз поԅ уԅлан комнатаыԍ сынӧԁсӧ торкны курітчӧмӧн.

г) Җоҗтӧ віԇ сӧстӧма — оз ков шыблавны мусӧрсӧ җоҗӧ, җоҗыс-кӧ јогӧԍԍас — колӧ чышкыны. Комнатаӧ пыртӧԇ војԁӧр колӧ кокјастӧ чышкыны.

ԁ) Којкаыԁ меԁ вӧліс пыр сӧстӧм ԁа пеԉкӧԁӧма — ен ԍој којка вылаԁ; којка вылаԁ ен віԇ паԉтотӧ, періна ежӧԁ ԁа пӧԁушка кышӧԁ вежлав еща вылӧ быԁ тӧлыԍ ӧтчыԁ; ен воԁ сапӧгјаснаԁ; воԉпаԍтӧ воԉсав бура; којкаыԁ меԁ ԋекытчӧ (меԁԍа-ԋін мӧԁ којкаӧ) меԁ оз щук.

е) Уԅланін абу кум (клаԁӧвӧј) — уԅланіныԍ став јашщікјас, гынсапӧгјас ԁа мукӧԁ торјас нуны кӧлујјас віԇан кумӧ.

(Меԁвоԇԇа тӧлыԍӧ орԁјыԍігӧн тырмас тајӧ віт торјыс, бӧрнас поԅӧ соԁтавны выԉ торјас).

II. Профеԍԍіонаԉнӧј оргаԋізаціја кӧсјыԍӧ тырмымӧна отсаԍны робочӧј коміԏетлы нуӧԁны профеԍԍіонаԉнӧј, куԉтурно-проԍвеԏіԏеԉнӧј ԁа поԉіԏіка (парԏіјнӧј јачејкакӧԁ ӧтвылыԍ) уҗјас, та понԁа:

1) Обшщӧжіԏԏӧса гӧрԁ пеԉӧсын уҗ лӧԍӧԁӧм вылӧ інԁыны профсојуз правԉеԋԋӧса шԉенӧс .... јортӧс, шуам сылы еща вылӧ быԁ ԋеԃеԉ ӧтчыԁ волывлыны шуӧм часјасӧ (інԁыны лун ԁа часјас) тајӧ гӧрԁ пеԉӧсас.

2) Профсојузса среԁствоыԍ леԇны (сымыԁта-тӧ) ԍӧм куԉтурно-проԍвеԏіԏеԉнӧј уҗ нуӧԁӧм вылӧ, щӧщ і ԇоԋвіԇалун бурмӧԁан уҗ вылӧ: бібԉіоԏекаӧ ԋігајас ԋӧбалӧм вылӧ — сымын шајт, екскурԍіјајас вӧчалӧм вылӧ сымын шајт ԁа с. в.

3) Лӧԍӧԁны перехоԃашщӧј знамја — преміја, коԁі меԁбура понԁас нуӧԁны олӧмӧ саԋітарнӧј міԋімум, ԍетны налы шојтчан керкајасӧ местајас.

4) Меставывса робочӧј коміԏет кӧсјыԍӧ отсавны саԋітарнӧј міԋімум олӧмӧ нуӧԁӧмын, та понԁа інԁӧ уҗавны саԋітарнӧј коміԍԍіјаын .... јортӧс ԁа кӧсјыԍӧ еща вылӧ 2-ыԍ быԁ тӧлыԍ вӧчавлыны ԁоклаԁјас саԋітарнӧј міԋімум олӧмӧ нуӧԁӧм јылыԍ, уҗсӧ воԇвыв тӧԁмалӧмӧн.

III. Обшщежіԏԏӧса хоԅајственнӧј оргаԋізаціја кӧсјыԍӧ лӧԍӧԁны обшщежіԏԏӧын сӧстӧма олӧм, лӧԍӧԁны тырмымӧн інвентар, уԅлан торјас, век віԇӧԁны обшщежіԏԏӧын олӧм бӧрԍа, сіјӧн:

1) Керка ԁорыԍ кыскавны став мусорсӧ ԁа уборнӧј гујасыԍ ӧкмӧмсӧ сымын-тӧ лунӧн.

2) Обшщежіԏԏӧӧ быԁ комнатаӧ ӧшлыны обшщежіԏԏӧ пыщкӧсса распораԁок, тајӧ уҗсӧ вӧчны сымын-тӧ лунӧн.

3) Іԁраԍыԍјас лыԁ соԁтыны ....ӧԇ ԁа најӧс пӧвстын комнатајассӧ јуклыны таԇі (інԁыны), тајӧ уҗсӧ вӧчны .... лунӧн.

4) Обшщежіԏԏӧӧ воԇвыв лӧԍӧԁны тырмымӧн уԅлан кӧлуј, меԁ мыјкӧ мынԁа век вӧліс нӧшта ԁаԍӧн. Та понԁа лӧԍӧԁны обшщежіԏԏӧ вылӧ сымын-тӧ періна кышӧԁ, сымын-тӧ пӧԁушка кышӧԁ, сымынԁа-тӧ ԁоԃ іԇас, сымынԁа-тӧ ӧԃејалӧјас.

5) Меԁым комнатајассӧ пыр віԇны сӧстӧма, нӧшта лоӧ лӧԍӧԁӧма: ԍӧлаԍан ԁозјас ...., паԉто-шапка ӧшлан тувјас ...., кружкајас ...., стоԉікјас ...., улӧсјас ...., пызанјас .... ԁа с. в (быԁ інԁӧм тор бӧрӧ інԁыны унаӧ ԁа кор лоӧ лӧԍӧԁӧма); зев бур вӧліс тані інԁыны кущӧм комнатаӧ мыј лоӧ лӧԍӧԁӧма).

6) Лӧԍӧԁны .... лунӧн коԍтыԍан комната.

7) Лӧԍӧԁны ӧтувја ԍојанін, буфет, коопераԏівнӧј ларок (коопераԏів правԉеԋԋӧкӧԁ ӧтвылыԍ) сымын-тӧ лунӧн.

8) Лӧԍӧԁны кӧлуј віԇан кум сымын-тӧ лунӧн.

9) Сещӧм-тӧ лунԍаԋ понԁыны боԍтавны ԍезоԋԋікјаслыԍ ԍӧԁ ԁӧрӧмгач, бӧр лоӧ вајӧма боԍтан лунԍаԋ .... лунмыԍт.

10) Лӧԍӧԁны обшщежіԏԏӧ берԁӧ меԁпункт ԁа віԍыԍјаслы торја комната. Тајӧ уҗсӧ вӧчны .... лунӧн (лун, тӧлыԍ).

11) Стрӧітчан уҗјас мунан каԁӧ тајӧ соԁтӧԁа ԍпісок ԁа інԁӧм каԁјас ԍерԏі вӧчны капітаԉнӧј ремонт.

12) Саԋітарнӧј міԋімум олӧмӧ меԁбура нуӧԁыԍ брігаԁалы ԍетны .... шајт преміја, преміја ԍетан каԁ шуны .... тӧлыԍӧ, .... лунӧ.