ССРС-ын СТАВ РАБОЧӦЈЈАС, КОЛХОԄԊІКЈАС ԀА УҖАЛЫԌ ЈӦЗ ԀІНӦ, СТАВ ОРГАԊІЗАЦІЈАЈАС ԀА ОСОАВІАХІМСА ШԈЕНЈАС ԀІНӦ

Јортјас!

Ԉеԋінскӧј парԏіја веԍкӧԁлӧм улын, боԉшевікјас чорыԁлунӧн классӧвӧј враглыԍ ԁа сіјӧ агентуралыԍ — оппортуԋістјаслыԍ паныԁалӧмјассӧ ԁа ԍӧкыԁторјас бырӧԁӧмӧн Сӧвет Сојузса рабочӧј класс ыҗыԁ вынӧн течӧ соціаԉізм общество.

Віт воԍа планлыԍ вывті ыҗыԁ программасӧ рабочӧј класс аслас ыҗыԁ кыпыԁлунӧн, соціаԉіԍԏіческӧј орԁјыԍӧм пыр ԁа уԁарԋічество пыр нуӧԁӧ олӧмӧ ԋоԉ воӧн, а решајушщӧј участокјасас 3 - 2 1/2 воӧн.

Тајӧ воас лоӧ ештӧԁӧма соціаԉіԍԏіческӧј економіка фунԁамент лӧԍӧԁӧмсӧ, рабочӧј класс ентуԅіазмӧн пӧртӧ олӧмӧ „боԍтны ас кіӧ ԏехԋіка“ парԏіјалыԍ лозунгсӧ, тышкаԍӧ історіческӧј мог — 10 воыԍ ԋе ԁырҗыкӧн вӧтӧԁны ԁај панјыны ԏехԋіка ԁа економіка бокԍаԋ меԁвоԇын сулалыԍ капітаԉіԍԏіческӧј странајасӧс — олӧмӧ нуӧԁӧм вӧсна.

ССРС-ын рабочӧјјаслӧн ԁа уҗалыԍ јӧз массалӧн вӧвлытӧм коԃ кыпыԁлуныс, воԇмӧстчӧмыс тајӧ історіческӧј могсӧ олӧмӧ нуӧԁӧмыс вӧсна, боԉшевістскӧј ӧԁјас вӧсна тышкаԍӧмын зев бура тыԁалӧ сӧветскӧј ԃіріжабԉјас вӧчалӧм куԅа кампаԋԋӧјасыԍ. Тајӧ кампаԋԋӧјасыс мунӧны став Сӧвет Сојуз паԍта вӧвлытӧм коԃ зев кыпыԁа. ССРС-ын рабочӧј массајас, колхоԅԋікјас ԁа уҗалыԍ јӧз ԍӧлӧмыԍ воча шыаԍісны ССРС-са Осоавіахім сојуз ЦС чукӧстчӧм вылӧ сӧветскӧј ԃіріжабԉјассӧ вӧчӧм куԅа.

„Ԃіріжабԉ лун“ нуӧԁӧмыс быԁлаын кыпӧԁіс сӧветскӧј ԃіріжабԉјас вӧчӧм куԅа рабочӧјјаслыԍ ԁа уҗалыԍ јӧзлыԍ воԇмӧстчӧмсӧ, боԍтчанлунсӧ.

Ԉеԋін јорт пӧшԏі 17 во сајын, Швејцаріјаын еміграціја ԁырјі, віԍталіс збыԉ вылӧ пророческӧј кывјас: „Віԁчіԍлам, кор міјан лоӧны асланым ԃіріжабԉјас“.

Ԉеԋін јортлыԍ заветсӧ олӧмӧ нуӧԁӧм куԅа, мӧскуаса уна гырыԍ завоԁјас (Еԉектрозавоԁ, „Ԃінамо“, „Каучук“, „Іԉԉічлӧн завоԁ“, „Ԍерп і молот“ да мук.) леԇісны лозунг вӧчны ԃіріжабԉјаслыԍ Ԉеԋін ԋіма ескаԁра.

Гӧрԁ стоԉіцаса рабочӧјјаслыԍ воԇмӧстчӧмсӧ ԁа завоԃітчӧмсӧ пыԃԃі пуктӧмӧн ССРС Осоавіахім сојузлӧн ЦС прімітіс решеԋԋӧ лӧԍӧԁны ԃіріжабԉјаслыԍ Ԉеԋін ԋіма ескаԁра со кущӧм ԃіріжабԉјасыԍ: „Ԉеԋін“, „Стаԉін“, „Старыј боԉшевік“, „Правԁа“, „Кԉім Ворошілов“, „Осоавіахім“ ԁа „Колхоԅԋік“. Јура ԃіріжабԉ лоӧ „Ԉеԋін“. Сӧветскӧј ԃіріжабԉјас стрӧітӧм куԅа став оргаԋізаціјајасыслыԍ став ӧнӧԇ мунан уҗсӧ ӧтувтны тајӧ лозунг улас.

Асԍыс „Осоавіахім“ ԃіріжабԉсӧ щӧщ ԍујӧмӧн, коԁ вылӧ чукӧртӧма-ԋін 3 мԉн. шајтыԍ уна, Ԉеԋін ԋіма ескаԁраӧ, ССРС Осоавіахім сојуз ЦС-лӧн преԅіԃіум аслас став оргаԋізаціјајаслыԍ уҗсӧ веԍкӧԁӧ среԁства чукӧртӧмӧ „ԃіріжабԉјаслыԍ Ԉеԋін ԋіма ескаԁра вӧчӧм“ лозунг улын.

ССРС-са Осоавіахім сојуз ЦС-лӧн преԅіԃіум шыӧԁчӧ став оргаԋізаціјајас берԁас, коԁјас чукӧртӧны среԁство „Правԁа“, „Кԉім Ворошілов“, „Колхоԅԋік“ ԃіріжабԉјас вылӧ, мунны сіјӧ прімер бӧрԍаыс ԁа веԍкӧԁны асԍыс став уҗсӧ „ԃіріжабԉјаслыԍ Ԉеԋін ԋіма ескаԁра лӧԍӧԁан“ лозунг улын среԁство чукӧртӧм вылӧ.

Јортјас. Матыԍтчӧ ставмувывса проԉетаріатлӧн веԉікӧј вожԃлы, Влаԃ. І. Ԉеԋінлы чужан луныс — апреԉ 22 лун ԁа уҗлӧн ставмувывса праԅԋік — мај 1-ја лун.

Сӧвет сојузса рабочӧј массајасӧс, колхоԅԋікјасӧс ԁа уҗалыԍ јӧзӧс ставмувывса проԉетарскӧј соԉіԁарноԍԏ јонмӧԁӧм вылӧ, промфінплан ԁа боԉшевістскӧј кӧԇа олӧмӧ пӧртӧм, ԁај соԁтӧԁӧн пӧртӧм вылӧ, ԁорвыв коԉԉекԏівізаціја нуӧԁӧм вылӧ ԁа сы поԁ вылын кулакјасӧс кыԇі классӧс бырӧԁӧм вылӧ, страналыԍ ԁорјыԍан вынсӧ ԁа Гӧрԁ арміјаӧс јонмӧԁӧм вылӧ мобіԉізујтӧмӧн, пасјам тајӧ лунјассӧ — апреԉ 22-ӧԁ ԁа мај 1-ӧԁ лунјассӧ — преԁпріјаԏԏӧјас вылын, совхозјасын, МТС-јасын, колхозјасын ԁа ӧтувтчытӧм гӧԉ ԁа шӧркоԃԃема олыԍ креԍԏана пӧвсын массӧвӧј кампаԋԋӧ нуӧԁӧмӧн — сіјӧ кампаԋԋӧ ԁырјіыс тӧԁмӧԁам кущӧм значеԋԋӧыс ԃіріжабԉыслыԍ Ԉеԋін ԋіма ескаԁра лӧԍӧԁӧмыслӧн ԁа сы вылӧ среԁствосӧ чукӧртӧмыслӧн.

Соціаԉіԍԏіческӧј орԁјыԍӧм паԍкалӧмлы кык во тырӧмсӧ пӧртам сӧветскӧј ԃіріжабԉјас стрӧітӧм куԅа став кампаԋԋӧсӧ вылынҗык щупӧԁ вылӧ лептан воропӧ. Нуӧԁам кампаԋԋӧсӧ „ԃіріжабԉјаслӧн Ԉеԋін ԋіма ескаԁра“ јеԃінӧј лозунг улын.

Фабрікјасса, завоԁјасса, совхозјасса МТС-сса рабочӧјјас, колхоԅԋікјас, колхозӧ ӧтувтчытӧм гӧԉ ԁа шӧркоԃԃема олыԍ креԍԏана, воԇмӧстчӧмӧн участвујтӧј ԃіріжабԉјаслыԍ Ԉеԋін ԋіма ескаԁра лӧԍӧԁӧмын! Тајӧ кампаԋԋӧсӧ нуӧԁӧм куԅа ԁа среԁствојас чукӧртӧм куԅа паԍкӧԁӧј соціаԉіԍԏіческӧј орԁјыԍӧм брігаԁајас костын, цехјас костын, завоԁјас костын, ԍіктјас ԁа грезԁјас костын.

ССРС-ын олыԍ став ас ԍорԋіа јӧзјас! Боԍтӧј тӧԁ вылӧ, мыј ԃіріжабԉ центрԍаԋ ылын бокысса націонаԉнӧј јітӧԁ кутан зев вына ӧруԃіјӧ ԁа мобіԉізујтӧј уҗалыԍ јӧзлыԍ вԋімаԋԋӧсӧ ԃіріжабԉјаслыԍ Ԉеԋін ԋіма ескаԁра лӧԍӧԁӧм вылӧ.

Оргаԋізаціјајас ԁа Осоавіахімса шԉенјас! Лоӧ воԇмӧстчыԍјасӧн, боԍтыԍјасӧн ԃіріжабԉјаслыԍ Ԉеԋін ԋіма ескаԁра лӧԍӧԁӧмын. Парԏіјнӧј оргаԋізаціјајас тујԁӧԁӧм улын мобіԉізујтӧј рабочӧј массалыԍ, колхоԅԋікјаслыԍ ԁа уҗалыԍ јӧзлыԍ воԇмӧстчӧмсӧ ԃіріжабԉјаслыԍ Ԉеԋін ԋіма ескаԁра лӧԍӧԁӧм вылӧ.

Сӧветскӧј ԃіріжабԉјас вӧчӧм куԅа кампаԋԋӧыс меԁ вӧлі јітчӧма ставмувывса проԉетарскӧј ревоԉуціја вожԃ ԁа Комінтерн лӧԍӧԁыԍ В. І. Ԉеԋін ԋімӧн ԁа та бокԍаԋ сылыԍ заветсӧ нуӧԁӧмӧн.

Нуӧԁам олӧмӧ Ԉеԋінлыԍ історіческӧј кывјассӧ: „Міјан лоӧны асланым ԃіріжабԉјас!“

Ԃіріжабԉјаслӧн Ԉеԋін ԋіма ескаԁра кутас лебавны Сӧветјас страна вывті.

ССРС Осоавіахім сојузлӧн ЦС-са преԅіԃіум.

1931-ӧԁ во, апреԉ 14 лун Мӧскуа.