КОԀІ МЫЖА?

Олісны-вылісны чіпана-петука.

Коркӧ мунісны најӧ вӧрӧ сус коԉ ԍојны.

Петук кајіс пу вылӧ сус коԉ гылӧԁны.

Ԋещкӧ ԁа шыблалӧ му вылӧ. Чіпан ӧктӧ, чукӧртӧ. Кыԇкӧ ӧтчыԁ шыбытӧмӧн веԍкаліс чіпанлы ԍінмас. Чіпан бӧрԁіг тырјі мӧԁӧԁчіс гортас. Паныԁаԍіс кӧч ԁај јуалӧ:

— „Мыјыԍ-нӧ бӧрԁан, чіԉукӧј?“

— „Менԍым петук ԍінмӧс перјіс.“

— „Петукӧј, петукӧј, мыјла-нӧ чіԉукыԁлыԍ ԍінсӧ перјін?“

— „Менӧ ув лајкԋітӧԁіс, ԁа тајкӧ ачым уԍа.“

— „Увјӧј, увјӧј, мыјла-нӧ лајкԋітчін?“

— „Менӧ кӧзајас јірісны ԁа сіјӧн“.

— „Кӧзајас, кӧзајас, мыјла-нӧ ті увсӧ јірінныԁ?“

— „Міјанӧс омӧԉа віԇыԍјас віԇӧны!“

— „Віԇыԍјас, мыјла омӧԉа віԇанныԁ кӧзајассӧ?“

— „Міјанӧс кӧԅајка шаԋгаӧн оз верԁ.“

— „Кӧԅајка, кӧԅајка, мыјла кӧза віԇыԍјастӧ шаԋганаԁ он верԁ?“

— „Шаԋга ԉатысӧ менԍым порԍ кіԍтіс.“

— „Порԍӧј, порԍӧј, мыјла шаԋга ԉатысӧ кіԍтін?“

— „Менԍым піӧс кӧјін ԍојіс-ԁа.“

— „Кӧјінӧј, кӧјінӧј, мыјла-нӧ порԍыслыԍ пісӧ ԍојін?“

— „Менам кынӧмӧј ԍумаліс ԁа. Меным сіԇі ԋін чужӧмԍаԋ шуӧма кынӧмӧс верԁны.“

Ԁугԁіс бӧрԁӧмыԍ чіпан.

Чіпан ԍінпӧвнас петуккӧԁ бӧр важ-моз овмӧԁчісны, зев бура ԁа лӧԍыԁа овны кутісны.