ІЧІԊВОԆ
Пӧрыԍ гозјалӧн вӧлі кык ныв. Пӧԉӧлӧн Машӧ ԋіма, ічіԋвоԇ. Пӧчӧлӧн аслас мӧԁ ныв вӧлі, Марпа ԋіма. Пӧчӧ зев ԉок вӧлі: јома баба коԃ. Нылыс сещӧм-жӧ вӧлі. Поԉлӧн Машаыс зев рам, ԇік-жӧ ајыс коԃ бур ԁа шаԋ. Ічіԋ ԍінмӧн оз вермы віԇӧԁны Машӧӧс. Пӧԉлы ӧтчыԁ шуӧ:
„Кытчӧ гажыԁ вошты асԍыԁ нывтӧ. Ну вӧр керкаӧ. Меԁ сені печкас.“
Пікӧ воштіс пӧԉӧс ԉок пӧч: ԍојӧмӧн ԍојӧ кыкнаннысӧ. Лоі ԁоԃԃаԍны ԁа нуны Машӧӧс вӧрӧ. Жаԉ еԍкӧ нылыс ԁа ԋемтор он кер. Ԍетіс біја із, тывкӧрт, щак, ԁа шыԁӧс тор... Коԉіс нылӧс ӧтнассӧ вӧр керкаӧ:
— „Ен-пӧ бітӧ кусӧԁ,“ шуӧ баԏ: „Роктӧ пу, керкатӧ ігнышт. Аскі ме вола віԁлыны“.
Лунтыр Маша печкіс. Рытнас пач лонтіс ԁа рок пуіс. Сеԍԍа пукԍіс ԍојны. Пач улыԍ мытчыԍіс шыр ԁа шуӧ:
— „Зарԋі нылӧј, верԁышт менӧ рокнаԁ!“
Машӧ шырӧс пӧттӧԇыс верԁіс. Сеԍԍа бара печкыны пукԍіс. Војшӧр мыјӧн воіс, керкаӧ пыріс ош ԁај шуӧ:
„Бур нылӧј, кусӧԁ-жӧ бітӧ, ԁа ворсыштам мекӧԁ гораԋӧн. На теныԁ езыԍ ԏіԉгун. Котрав ԁа ԅоԉӧԁчы, ме тенӧ кутала.“
Зев јона повԅіс Маша. Секі шырыԁ бара петіс ԁа пеԉпом вылас кајіс Машалы, сеԍԍа пеԉвоԇас вашкӧԁӧ:
— „Ен пов, Маша. Кусӧԁ бітӧ, ачыԁ пыр пач улӧ, ԏіԉгунтӧ меным вај.“
Маша кывзіс шырлыԍ. Ош котралӧ, корԍӧ Машаӧс. Еԍкӧ шыр котралӧ, ԅоԉӧԁчӧ. Куталіс, куталіс ош, — ез шеԁ Маша. Ԉокміс ԁа кутіс пес плакаӧн шыблаԍны. Кӧн мыј вӧлі быԁӧн жуԉԉіс. Шырлы оз веԍкав. Ош сеԍԍа муԇіс ԁа шуӧ:
— „Кужін-пӧ те, бур нылӧј, ворсныԁ. Аскі асыв мӧԁӧԁа ме теныԁ коԅін: вӧв стаԁа ԁа ԁоԃ тыр ем-бур“...
Ԉок пӧч аскі асыв четчӧмӧн-щӧщ ыстіс вӧр керкаӧ нылысла пӧԉӧс. Ачыс ӧшіԋ ԁорӧ пукԍӧмӧн віԁчыԍӧ:
— „Лы-ԍӧмсӧ-пӧ-ӧԁ кӧнкӧ нылыԁлыԍ вајас.“
Коркӧ ԁоԃ шы кывны кутіс. Пон увтны кутіс лабіч улын:
„Ув, ув, ув! Пӧԉӧ нывсӧ вајӧ, вӧв стаԁа локтӧ, ԁоԃ тыр ем-бур вајӧ.“
— „Лаԋт, міԍтӧм чужӧм! Машӧлӧн лы-ԍӧмыс гіԉа-гоԉа кылӧ.“
Заворјас воԍԍіс, пӧԉӧ Машӧкӧԁ ԁоԃ тыр ем-бур вајӧны. Бӧрԍаԋыс вӧв стаԁа вӧтчӧ.
Лок ԍӧлӧм пуԅіс пӧчӧлӧн: завіԃ лоі.
— „Аскі“, шуӧ пӧч: „ну Марпаӧс менԍым. Сіјӧ кык та мынԁа вајас.“
Воԇ асыв пӧԉ нуіс пӧчӧлыԍ нылӧс. Асԍыс моз-жӧ велӧԁіс ԁа коԉіс. Марпа лонтіс пач ԁа рок пуіс. Сеԍԍа ԍојны кутіс. Пач улыԍ петіс шыр ԁај чіпӧстіс:
— „Бур нылӧј, верԁышт менӧ рокнаԁ!“
Марпа ԉокыԍ горӧԁіс:
— „Пеж горш! верԁны ԁај! вывті лоӧ.“
Марпа боԍтіс пес плака ԁај лыјіс шырлы. Сеԍԍа ӧтнас ԍојіс став роксӧ ԁај уԅны воԁіс. Војшӧр каԁ ош пыріс.
— „Міча нылӧј, вај-жӧ кусӧԁ бітӧ ԁа мекӧԁ гораԋаԍыштам. На теныԁ ԏіԉгун. Котрав, ме кутаԍа.
Марпа боԍтіс ԏіԉгун, котралӧ. Ачыс тіралӧ полӧмысла. Шыр мытчыԍіс ԁа еԉтӧ:
— „Ԉок Марпаӧс талун нӧјтасны, нӧјтасны.“
Аскі асыв пӧчӧ термӧԁлӧ пӧԉӧӧс, ыстӧ нылысла ԁа уна ем-бурла.
Ӧшіԋ улӧ пукԍіс ԁа, оз вермы віԁчіԍныс. Кыліс мыјӧн ԁоԃ шытӧ понјыс, кутіс увтны:
„Ув, ув, ув! Пӧчӧлӧн нылыс ружтӧ, тыртӧм ԁоԃԃыс грымӧԁӧ.“
Пӧч скӧрміс, беԃԃӧн понјӧс лыјіс.
„Пӧрјаԍан, міԍтӧм чужӧм! Тајӧ зарԋі-езыԍ ԅіԉа-ԅоԉа кылӧ.“
Сувтіс пӧԉӧ вӧлӧн ӧшіԋ улӧ. Тыртӧм ԁоԃԃыԍ ӧԁва вермісны Марпаӧс четчӧԁны. Равӧстіс-бӧрԁԇіс пӧч ԉокысла. Та бӧрын Маша регыԁ муніс верӧссајӧ, зев бур морт сајӧ, ԁај ӧні олӧны-вылӧны.
Важ коми гижӧд