КУЩ ԀА РАКА
Ыҗыԁ вӧлі рӧԁ вуж ракалӧн. Уна вӧлі сылӧн піјан. Воісны тулысын ԇоԇӧгјас, јуԍјас. Позԁыԍісны, лӧԍӧԁчісны быԁтыԍны. Аԁԇіс позԁыԍӧмтӧ налыԍ рака. Кутіс коԉкнысӧ гуԍавлыны. Коркӧ лебӧ сеті тупјур варыш. Бурещ суіс ракатӧ гуԍаԍан інас. Ԍӧлӧм сылӧн пуԅіс. Лебіс ԍера кущ ԁінӧ нораԍны. Ԍера кущ ыстіс ракала пышкајӧс. Тајкӧ сіјӧ оз вермы вајны ракаӧс: оз лок, пыкԍӧ. Лоі тоԁмышкаліг тырјі вајны. Ԍера кущ пукԍіс суԃітны ракаӧс.
— „Паԍкыԁ вома ракаӧј! Те јылыԍ зев тајнӧ ԉок јуӧр воіс. Те-нӧ тај јӧз ем-бур вылӧ кітӧ ԋужјӧԁлан... Гырыԍ пӧткајаслыԍ коԉкјас гуԍавлан!“
— „Чӧв, југыԁ шонԁіӧј, ԍера кущӧј! Ԇік прӧста тајӧ сукԉалӧма пӧрыԍ выжывыԁ, тупјурыԁ.“
— „Тајӧ-ӧмӧј-на сӧмын,“ шуӧ кущ: „віԍталӧны сеԍԍа, те-пӧ кӧԇыԍјас бӧрԍа став рӧԁ вужнаԁ вӧтлыԍан ԁа му вывԍыс кӧјԁыссӧ ӧкталан.“
— „Ок-ок-ок, југыԁ-лунӧј, кущӧј! Ԇік прӧстӧј (веԍ) ԍорԋі тајӧ.“
— „Віԍталӧны — коԉтајас-пӧ ԁа чумаԉіјас бабајаслыԍ паԍјан став рака котырнаԁ.“
— „Југыԁ шонԁіӧј кущӧј! јона-жӧ менӧ гуԁралӧмаӧԍ, сукԉалӧмаӧԍ.“
Сеԍԍа ԍера кущ щӧктіс ракаӧс пукԍӧԁны чіжовкаӧ.
Важ коми гижӧд