КАԊ ԀА ПЕТУК ԀА РУЧ
Оліс-выліс вӧр ԁорын пӧрыԍ пӧԉ. Сылӧн вӧлі каԋ ԁа петук. Пӧԉ пыр пес кераліс вӧрын. Каԋ пуіс пӧжаліс ԁа ԍојан новліс пӧԉлы. Петук горт оліс. Ӧтчыԁ воԇ асывын пӧԉ муніс вӧрӧ. Каԋ пуԍіс-пӧжаԍіс, петукӧс верԁіс, сеԍԍа пуіс ԍојан пӧԉлы.
Петук коԉтчіс горт овны. Каԅаліс руч петуклыԍ горт олӧм. Каԋԅӧԁіс ӧшіԋ улас ԁа зев меліа ԍывны боԍтіс:
„Кікіԉуԉԉу, Петрӧванушкоӧј!
Зарԋі сынаннаԁ,
Выја јурнаԁ
Мытчыԍлы ӧшіԋӧԁыԁ.
Ӧкԍі піјан мунісны,
Аԋкыщ кіԍкалісны.
Ӧктыны ԋекоԁлы.“
Петук воԍтіс ӧшіԋ ԁај віԇӧԁліс:
— „Коԁінӧ-пӧ тајӧ ԍылӧ?“
Руч бара ез ԁыр кӧсјы: щапԋітіс петукӧс ԁај пышјӧԁіс.
Петук мыј вынԍыс горзӧ:
„Ој, ој, ој, ој,
пышјӧԁіс-ӧԁ најан ручыԁ менӧ.
Ԍӧԁ вӧр шӧрӧ, ылыс муӧ-ваӧ.
— Мезԁы-жӧ бара менӧ кысыԉӧјӧј-каԋіԉӧјӧј!“
Каԋ бурӧщ гортас локтӧ ԋін вӧлӧм. Кыліс горзӧмтӧ, вӧтӧԁіс ручӧс, мырԃԃіс петукӧс, ачыс ропкӧ:
„Мыјла-нӧ мытчаԍан ӧшіԋӧԁыԁ? Мӧԁыԍ-кӧ кывзан ручтӧ, пышјӧԁас ԁај ԍојас — лы-ԋі-ку оз коԉ!“
Аскіас пӧԉӧ мунігас јона чіршӧԁліс петукӧс. Ез щӧкты ӧшіԋ ԁорын пыԏјавны. Каԋ бара ԍојан нуіс пӧжаԍӧм бӧрын. Руч пыр кыјӧԁіс каԋлыԍ мунӧм. Сеԍԍа бара ӧшіԋ улӧ локтіс, ԍывны кутіс... Петук оз шыаԍ. Руч мӧԁыԍ ԍыліс, сеԍԍа аԋкыщ кітыр ԍавкԋітіс. Петук ӧктіс аԋкыщ ԁај шуӧ:
„Он ылӧԁ менӧ, ручӧј. Тӧԁа-ӧԁ, кӧсјан те менӧ ԍојны, лы-ԋі-ку он коԉ менԍым.“
— „Чӧв, Петрӧванӧј! Ог-жӧ ме тенӧ ԍој! Ме-ӧԁ гӧԍԏітны кӧсјі нулыны тенӧ, овмӧсӧс кӧсјі теныԁ петкӧԁлыны.“
Сеԍԍа бара кутіс ԍывны...
Петуклӧн бара на мывкыԁ ез тырмы: віԇӧԁліс ӧшіԋӧԁыԁ. Ручлы сіјӧ і колӧ вӧлі — щапԋітіс ԁај котӧрӧн пышјӧԁны кутіс. Петук ԉокыԍ бара горзӧ:
„ојја ԁај ојја!
Пышјӧԁіс-ӧԁ бара менӧ најан ручыԁ!“
Нуас-ӧԁ менӧ пемыԁ вӧрӧ, ԍӧԁ вӧр шӧрӧ.
Ԍојас-ӧԁ менӧ, ԍојас, лы-ԋі-ку оз коԉ.
— Каԋіԉӧј-кысыԉӧј, мезԁы-жӧ менӧ, мезԁы!“
Кыліс каԋ ԁа бара мырԃԃіс петукӧс.
— „Ег-ӧмӧј ме теԁ віԍтавлы, ен міԍа ӧшіԋтӧ воԍты, ен ӧшіԋ ԁораԁ мытчаԍ, ԍојас-ӧԁ ручыԁ. Кывзы колӧкӧ менԍым: аскі-вӧԁ ылӧ муна пес керавны, ог кыв горзӧмтӧ?“
Аскіас пӧԉлы каԋ бара ԍојан нуіс. Руч важӧн ԋін віԁчыԍӧ каԋлыԍ мунӧм.
Бара кутіс ԍывны. Кујімыԍ ԍыліс. Петук оз шыаԍ, лаԋтӧма. Руч сеԍԍа шуӧ:
— „мыјнӧ, Петрӧван, кывтӧммӧмыԁ тај.“
— „Ег еԍкӧ кывтӧммы-ԁа. Он менӧ ӧні ылӧԁ, ог віԇӧԁлы ӧшіԋӧԁыԁ?“
Руч бара ԍавкԋітіс аԋкыщ ԁа шобԁі. Сеԍԍа шуӧ:
„Ен кывзы те каԋыԁлыԍ. Ԍојны-кӧ-ӧԁ ме важӧн ԋін тенӧ ԍојі. Ме тенӧ вывті раԃејта, кӧсја петкӧԁлыны теныԁ јенјугыԁсӧ. Віԇӧԁлы ӧшіԋӧԁыԁ, ен пов. Ме ԇебԍа керка пеԉӧсаԁ.“
Ачыс еԍкӧ бокас ԉаскыԍіс, ԇебԍіс. Петук кајіс лабічӧ, віԇӧԁӧ ывлаӧ.
„Муніс ез-пӧ бара ручыс-а? Оз тај тыԁав-а!“
Јурсӧ ԍујіс ӧшіԋӧ. Руч-щапԋітіс петукӧс ԁај пышјӧԁіс. Петук еԍкӧ јона горзіс ԁа каԋіԉӧј ез кыв: зев ылын вӧлі пес кералӧны пӧԉӧкӧԁ-ԁа.
Важ коми гижӧд