РУЧ ԀА ЧОКЫР
Важӧн олісны-вылісны — руч ԁа чокыр. Кор налӧн ԋаԋыс бырі, пуԁјаԍісны — коԁнысӧ начкыны. Пуԁ уԍі чокырлы. Чокыр шуӧ:
„Менӧ начкыны пан пурт колӧ“.
Руч мунӧ пан орԁӧ:
— „Пананӧј, пананӧј,
Вајтӧ меным пурттӧ, пурттӧ.
Чокырӧс начкыны,
Менӧ, ручӧс, верԁны.“
Пан шуӧ:
„Менам пуртӧј ныж, колӧ јен зуԁ кеслыныс“.
Руч мунӧ јен орԁӧ:
— „Јенманӧј, јенманӧј,
Вајтӧ меным зуԁтӧ, зуԁтӧ.
Пан пурт кеслыны,
Чокырӧс начкыны,
Менӧ, ручӧс, верԁны“.
Јен шуӧ:
„Менԍым зуԁтӧ кыскыны колӧ тӧлыԍ ӧш“.
Руч мунӧ тӧлыԍ ԁінӧ:
— „Тӧлыԍанӧј, тӧлыԍанӧј,
Вајтӧ меным ӧштӧ, ӧштӧ.
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны“.
Тӧлыԍ шуӧ:
„Менам ӧш оз мун шонԁі зонтӧг“.
Руч мунӧ шонԁі ԁінӧ:
— „Шонԁіанӧј, шонԁіанӧј,
Вајтӧ меным зонтӧ, зонтӧ.
Тӧлыԍ ӧш вӧтлыны,
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны.
Шонԁі шуӧ:
„Менам зонмыԁ оз мун кӧч јӧвтӧг“.
Руч мунӧ кӧч ԁінӧ:
— „Кӧчанӧј, кӧчанӧј,
Вајтӧ меным јӧвтӧ, јӧвтӧ.
Шонԁі зонмӧс верԁны,
Тӧлыԍ ӧшкӧс вӧтлыны,
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны.
Кӧч шуӧ:
„Менам јӧлӧј оз пет піпу пӧԁӧԋчатӧг“.
Руч мунӧ піпу ԁінӧ:
— Піпуанӧј, піпуанӧј,
Вајтӧ меным пӧԁӧԋчатӧ, пӧԁӧԋчатӧ.
Кӧч јӧв лыԍтыны,
Шонԁі зонмӧс верԁны,
Тӧлыԍ ӧшкӧс вӧтлыны,
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны.“
Піпу шуӧ:
„Менам пӧԁӧԋчаӧј оз шеԁ кыԋ піԋтӧг“.
Руч мунӧ кыԋ ԁінӧ:
— „Кыԋанӧј, кыԋанӧј,
Вајтӧ меным піԋтӧ, піԋтӧ.
Піпу пӧԁӧԋча перјыны.
Кӧч јӧв лыԍтыны,
Шонԁі зонмӧс верԁны.
Тӧлыԍ ӧшкӧс вӧтлыны,
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны“.
Кыԋ шуӧ:
„Менам піԋӧј оз шеԁ ԁортчыԍ кԉӧшщітӧг“.
Руч мунас ԁортчыԍ ԁінӧ:
— „Ԁортчыԍанӧј, ԁортчыԍанӧј,
Вајтӧ меным кԉӧшщітӧ, кԉӧшщітӧ.
Кыԋ піԋ перјыны,
Піпу пӧԁӧԋча вӧчны.
Кӧч јӧв лыԍтыны,
Шонԁі зонмӧс верԁны,
Тӧлыԍ ӧшкӧс вӧтлыны,
Јен зуԁ кыскыны,
Пан пурт кеслыны,
Чокырӧс начкыны,
Менӧ, ручӧс, верԁны.
Ԁортчыԍ шуӧ:
„Вомтӧ паԍкӧԁ ԁа кывтӧ ԋужӧԁ“.
Руч вом паԍкӧԁіс, кыв ԋужӧԁіс. Ԁортчыԍ ԁон кԉӧшщінас ручӧс кывјӧԁыс кутіс, ԁа сетчӧ і віјіс.
Важ коми гижӧд