| Му бергалӧм. | |
| Поԅіс-кӧ еԍкӧ му-вылаԁ шонԁі-вывԍаԋ віԇӧԁлыны, муыԁ ԇік чір ыжԁаӧн кажітчіс. | |
| Боԍтам-кӧ ӧԏі туԍ броса шыԁӧс ԁа сы бокӧ кіԍтам ԁаскујім веԁра броса шыԁӧс, секі поԅӧ шуны: со-пӧ етіјӧ муыс (ӧԏі шыԁӧсыс), а етіјӧ шонԁіыс (шыԁӧс чукӧрыс). Міјан чір ыжԁа муным вошӧма лыԁтӧм-щӧттӧм шонԁі-пӧвсын, коԁјасӧс, ӧԏіӧс-кынԇі, мі шуам коԇувјасӧн. | |
| Вермас-ӧ сіԇі лоны, мыј сещӧм ыҗыԁ шонԁі ԁа міԉԉон сыыԍ ыҗыԁ шонԁіјас кыщлалӧны му гӧгӧр? — Тӧԁӧмыԍ, оз. Оз шонԁіыс му гӧгӧрыс ветлы, а муыс, ас гӧгӧрыс бергаліг, кыщлалӧ щӧщ шонԁі гӧгӧр. | |
| Завоԃітлӧ-жӧ бергавны җоҗ шӧрын ӧԏілаын ԁа віԇӧԁны пыр веԍкыԁа воԇӧ. Секі тіјанлы кажітчас, быԏԏӧ став ԍтеныс-і, ԍерпасјас-і, ӧшіԋјас-і, — быԁтор тіјан гӧгӧр бергалӧ, тіјанлы паныԁ мунӧ. Ԉібӧ пыжӧн мунігӧн, ӧԁјӧ вӧлӧн мунігӧн-ԉі — віԇӧԁны понԁан берегӧ ԉібӧ туј-вылӧ-ԁа, — быԏԏӧ пыжыԁ ԁа ԏеԉегаыԁ ӧԏілаын сулалӧны-а, муыс тіјанлы паныԁ зев ӧԁјӧ мунӧ. Му бергалӧмсӧ мі огӧ каԅалӧ, ӧԏікӧ, аԍным сыкӧԁ щӧщ бергалам ԁа сіјӧн, мӧԁкӧ, сіјӧ шлывгӧ зев лӧԋа, лабутнеја: трук-ԋі-трак ԋекытчӧ. Ԋекущӧм шы абу-ԋі. Веԍіг тӧлыс абу: ӧԁ му гӧгӧрса тӧлыс щӧщ муыскӧԁ бергалӧ. | |
| Кыԇі-нӧ ԉібӧ му бергалӧмсӧ тӧԁісны? | |
| Сіјӧс петкӧԁлӧны міјанлы шонԁілӧн ԁа коԇувјаслӧн бергалӧмыс. | |
| Быԁ суткіӧн муыԁ ӧтчыԁыԍӧн бергӧԁчӧ ас гӧгӧрыс, сыкӧԁ щӧщ быԁ суткі мі мунам уна км. Тӧԁӧмыԍ, кымын матын мушӧрвӧԋлаԋӧ, сымын сіјӧ тујыс ыҗыԁ. Ԉеԋінграԁ гӧгӧрсајас быԁ суткіӧн мунӧны 19.200 км. Сіԇ-кӧ, тӧԁлытӧг быԁ суткіӧн ставным мі мунам пӧшԏі кӧкјамыс-пӧв уна меԁбур машінаыԍ. | |
| Муыԁ кыщлалӧ шонԁі гӧгӧрыс зев ыліті: 147.246.000 км. сајті. Мӧвпыштӧ-жӧ, мыјыжԁа кыщ муыс вӧчӧ. Сіјӧ кыщӧԁ шонԁі гӧгӧрыс муыскӧԁ мі щӧщ лебԅам-і, вывті ӧԁјӧ, пуԉаыԍ ӧԁјӧ: быԁ ԍекунԁӧн комын кык км. Ӧԁјӧ-тај еԍкӧ лебԅам-ԁа, ԁыр-жӧ тырмӧ кыщовтныс: ԇоԋ во — тулыс, гожӧм, ар ԁај тӧв. | |
| Му бергалӧмтӧ каԅалӧма Коперԋік, 400-во сајын. | |
Важ коми гижӧд
