УСЬӦ ЛЫМ

		Усьӧ лым...
Усьӧ кӧч гӧнысь кокниджык лым,
Тэнад пельпомад пуксьӧ да син водзын сылӧ.
Тэнад сьӧлӧмыд ме дінӧ век на зэв пым,
Куим во кӧть эг аддзысьлӧй, сьӧлӧмшӧр-нылӧй.

		Куим во...
Куим во чӧжӧн дзормывлӧ юр,
Ассьыс шудсӧ кор ныв ылі туйысь оз виччысь,
А ме сулалі сэн, кӧні кывтӧ Амур,
Кӧні мореӧдз нюжаліс миян граница.

		Лун и вой...
Лун и вой эм салдатыдлӧн удж,
Коді зонъяслы пай вылӧ усьӧма — служба!
Ассьыс чужан му радейтны сійӧ оз куж,
Кодлы веськодь дзик му вылас медмича дружба.

		Усьӧ лым...
Усьӧ кӧч гӧнысь кокниджык лым,
Тэнад пельпомад пуксьӧ да син водзын сылӧ.
Тэнад сьӧлӧмыд ме дінӧ век лоас пым,
Ещӧ дырджык кӧть торъявлам, сьӧд синма нылӧй.