ЛЕНИН ЙЫЛЫСЬ ДУМЪЯС

Ме сылысь оландыр эг су нин,
Великӧй батьлысь оландыр.
Сы йылысь удитісны шуны,
Сы йылысь шуантор оз быр.
Ми сыкӧд, генийкӧд, землякъяс:
Россия — миян чужанін.
И Волга ю, и коми ягъяс —
Дзик ставсӧ аддзис сылӧн син.
Ме чужи-быдми парма сиктын,
Мен сюрис выльмӧдӧм ас му:
Ильич мен водзвыв шудсӧ ликтіс,
Странаӧс важыс оз нин су.
Сӧветскӧй йӧзлӧн вына йитӧд
Ильичкӧд некор дзик оз ор,
Кыдз революциялӧн шытӧг,
Россия-мамлӧн вернӧй питӧг
Эз вермы чужны тан выльтор.
Странаӧй, югыд вӧчысь муӧй,
Судьба эз кокни тэныд усь.
Но ӧти туйӧд, Ленин туйӧд
Он ӧтнад мун, великӧй Русь.
Бур делӧ тайӧ ловъя, сідзкӧ,
Оз чусмы кӧ выль нэмлӧн мич.
Ми талун восьлалам Ильичкӧд,
И талун медводзын Ильич.
Та вӧсна миянӧс не венны,
И помӧдз ваям панӧм висьт.
Тшӧтш Коммунизмӧ пырас Ленин,
Кыдз медся первой коммунист.