ШОГАЛІГӦН

Гызьӧм да гудырмӧм лёк гыжъя олӧмыс
Тэнӧ кор топӧдас быдсяма ног,
Сэтшӧм нин нярӧн да коньӧрӧн лолан тэ,
Сьӧлӧмтӧ нюкыртӧ сир курыд шог.

Он тӧд, мый вӧчны ни кодарӧ сетчыны,
Вир сӧнсьыд пыдзыртчӧм пыдӧсӧдз вын.
Тыдавтӧм сиыслӧн зэлалӧм лэчкысь тэ,
Шогыслӧн лэчкысь, тэ некыдз он мын...

Колӧ сэк мырдысьӧн кӧлавны ас вылад
Кутшӧмкӧ вермана-колана удж, — 
Сэк сӧмын дойыслысь чуктӧдан асыксӧ,
Вочасӧн шогыслысь нетшыштан вуж...