АСЫВ


Рытъя кыа эз на дзикӧдз чусмы,
Алӧйгӧрдӧн пӧртмасис вӧр йыв.
Асъя кыа эз лэдз сійӧс кусны,
Нюжӧдіс нюм банӧн мелі сыв.

Петысь шонді качысь руӧн мыссис.
Шӧвк турунъяс вылӧ резіс ва.
Быттьӧ лышкыдмис да бисер кисьтіс,
Сынӧд сэтшӧм сӧстӧм — чӧскыд ма.

Вушки-вашки шыасисны козъяс,
Лысва шура-шара кисьтігмоз.
Лэбач чукӧр эновтісны позъяс,
Турун пӧвстын ӧзйӧ би гӧрд оз.

Гӧгӧр ӧвтӧ сэтшӧм олӧм кӧрӧн,
Чӧскыд асъя сынӧдсьыс он пӧт.
Шонді югӧр улын сійӧ вӧрӧ,
Локтысь луныс содтӧ ассьыс ӧд.