РЫТЪЯ СЬЫЛАНКЫВ

Коми мусӧ лым нин ньӧжйӧ шебралӧ.
Воӧ тӧлыс Выльгортӧ и Кебраӧ.
Усьӧ лымйыс мича еджыд бисерӧн
Пажгаӧ, и Гарьяӧ, и Висерӧ.

Вӧнясьӧма парма ӧти кӧртӧдӧн,
Урожай быд овмӧслӧн нин йӧртӧдын.
Ставсӧ идралӧма дӧзьӧр киясӧн,
Рӧмдӧ водз, и сиктъяс югыд биаӧсь.

Пызан вывъяс чегӧ пирӧг-шаньгасьыс,
Пӧжалӧма-сь коми аньяс, шаньясыс,
Йӧла-рыськыс, орччӧн пуӧм кӧчаныс,
Ельдӧгыс и картупеля сӧчӧныс.

Пызан сайӧ чукӧртчӧма войтырыс,
Пӧрысьӧс ни томӧс оз босьт ойбырыс.
Пӧсь сьӧлӧма войтыр сиктын олӧны,
Аслас мулы мамлы моза колӧны.