* * *

Ывлаыс тарыт зэв руа да кӧдзыд,
Сынӧдыс лолыштны мортлы оз сет.
Мыйкӧ тай, мусаӧй, мекӧд тэ вӧчин,
Не кӧ тэ, гортысь эг эськӧ ме пет.

Бара со восьлала котӧрӧн сорӧн
Сиктпомса керкалань, олан тэ кӧн.
Тэӧн ме пыртӧм-ӧ, тэӧн-ӧ ёрӧм?
Зэвтчӧма ньӧввуж моз менам быд сӧн.

Уджалан лун бӧрын мудзӧм ог кыв ме,
Сьӧлӧмӧс сотыштӧ ӧшиняд би.
Кыдзи нӧ висьтавны татшӧм шань нывлы,
Лоам мый шудаӧсь ӧтлаын ми?

Тадзи быд рыт со ме корасьны вола,
Синъясад видзӧдла, вошта ме кыв.
Шуа нин талун ме, мый лоас, лоӧ,
Восьта ме сьӧлӧмӧс тэныд, бур ныв.