ВОКСӦ ВОШТІС

Ме пӧ бара аслам вӧрад
Ог на вош,
Ошйысьлывліс коркӧ тадзи
Иван чож.
Ордым вылысь бокӧ кежны
Ог пӧ пов.
Миян ягын, майбыр,
Компасыд оз ков.
Тӧда, кӧні тӧвйӧ ошкыс
Да и руч.
Ошйысьнысӧ Иван дядьӧ
Оз и мудз.
Сӧмын ӧтчыд арнас вӧрысь
Дыр эз лок.
Аддзис сійӧс сісь мыр вылысь
Мишӧ вок.
Бӧрдӧмысла Иван дядьлӧн
Синмыс гӧрд.
Но и тані шуӧ сійӧ:
— Быть ӧд бӧрд,
Вошті тэнӧ ме, Микайлӧ,
Да и пом.
Мый нӧ сэсся татчӧ шуан?
Но и вом!