СЮМӦД ПЫЖ

Шонді лымсӧ азыма зэв нюліс,
Чайтім, мися, тӧлыс сэсся куліс.
Асыв. Садьми, видзӧдлі град йӧрӧ:
Лымйыс сапкысьӧма мыйта тӧрӧ.

Сюмӧд пыжӧй кынмӧма бӧр шорӧ,
Быттьӧ менсьым мездысьнысӧ корӧ.
Энлы, думысь шуа вӧчӧм пыжлы,
Шонді петас паныд йиа гыжлы.

Мездман йисьыс, шорыс бара тюрас.
Тэныд, пыжӧй, визув ваыс сюрас.
Петкӧдас на сійӧ ыджыд юӧ,
Кывт да радлы муса Коми муӧд!