ЧУЖАН МУЛЫ

Важӧн вӧрзис йи
			и кывтіс метӧг важӧн.
И Висер вожӧ
			кайис теплоход.
О, кутшӧма нин
			бырис менам гажӧй,
Ас сикт
			и гортӧ пыран сод.
Сэн пӧрысь мамӧй
			ӧні муӧн ноксьӧ.
Век мыйкӧ кӧдзӧ-пуктӧ,
			оз и ланьт.
И ропкӧ, мыйла
			нылыслы оз локсьы
Ас гортас,
			кӧні абу ӧмӧй шань.
Оз сытӧг вермы
			карыс, гашкӧ, овны?
Дерт, карыд олас,
			но эм сэні морт,
Код кутіс нылыслы
			сы выйӧдз ковны,
И ылысмис, и кӧдзаліс
			друг горт.