* * *

Видза олан, чужан муӧй!
Муса войтыр, мый кӧть шуӧй:
Некодлы эг кӧсйыв лёксӧ.
Тӧдлі шуд и тӧдлі лёксӧ.

Арся тӧла кӧдзыд лунӧ
Гортысь туйӧ петі-муні.
Век на вӧтын сиктын ола,
Кӧть и гежӧда нин вола.

Ола-выла вӧльнӧй светас,
Сьыланкывлы олӧм сета.
Муслун видза морӧс бердын,
Сӧмын сьӧлӧмӧй век эрдын.

Кула, дзебӧй чужан ягӧ,
Пӧч-пӧль дорӧ, сӧмын накӧд.
Сьӧлӧм инасяс на дінӧ,
Лолӧй кокньыдджыка мынӧ,

Бордъя качас парма весьтас.
Чужан муӧй мыжӧс вештас.