ТШАКЪЯС

Мӧдлапӧвса яла ягын
Мыйта петӧма нин тшакыс.
Сулалӧ со дзик пу улас
Гӧрд шляпаа гобйыс тшапа.

Быттьӧ шуӧ, эн жӧ коль пӧ
Банйӧм чужӧма ён рыжик.
Босьт да чуманад вай пукты,
Вуджӧд менӧ гортад пыжӧн.

А со сэні мича масля
Быттьӧ шуӧ, ме пӧ, кылан,
Босьтан кӧ, он ворссьы меӧн,
Шыдыд меысь лоӧ сыла.

И иванчик асьсӧ вӧзйӧ:
Менӧ, челядь, ті кӧ босьтад,
Тӧв кежланыд сёйӧм вылӧ
Паччӧрад и пачад косьтад.

Уна пӧлӧс тшак на ягас,
Ставсӧ дозъясаным ӧктам.
Понтшакӧс ог босьтӧй сӧмын,
Мед кӧть босьтны асьсӧ тшӧктӧ.