ПРАЗДНИКӦН, БУР ВОЙТЫР!

Асъя кыа бӧрся югыд шонді петӧ,
Майбырӧй дай тулысӧй, мыйта радлун сетан!
Шонді петан кадӧ, сьӧлӧмыд и лолыд
Кыпалӧ да качӧ, быттьӧ райӧ волӧ.
Окота сэк сьывны, шогыс быттьӧ абу.
Ставыс миян олӧмын тыр-бура да лада.
Бур йӧзыслы окота ыджыд аттьӧ шуны.
Босьтны ассьыд мусатӧ, кияс вылад нуны.
Кагаяслы, челядьлы радлыны да ворсны,
Мича югыд томлунлы ассьыс пӧвсӧ корсьны.
Верстьӧлы и пӧрысьлы дзоньвидзалун сиа,
Медым быдӧн вӧліны зіль да шуда киа.
Медым быдӧн пуктісны ӧта-мӧдсӧ пыдди,
Уна-уна бурсӧ на сьӧлӧмсянь ме лыдди.
Югыд тувсов лунъясас шуд мед ставлы сюрӧ,
Мойдын моз жӧ олӧмыс помасяс мед бурӧн!