| ПОВТӦМ ЗОН | ПОВТӦМ ЗОН |
| Важся коми олӧмысь | (Ԍерпастор важԍа комі олӧмыԍ) |
| Войдӧр со мый шуа-кайта: | Војԁӧр со мыј шуа-кајта: |
| Оз ло омӧльыд, ме чайта, | Оз ло омӧԉыԁ, ме чајта, |
| Йӧзлы петкӧдла кӧ тан | Јӧзлы петкӧԁла-кӧ тан |
| Важся кадлысь чужӧмбан. | Важԍа каԁлыԍ чужӧмбан. |
| Тайӧ кадыс му пыр муні, | Тајӧ каԁыс му пыр муні, |
| Пӧрысь пӧльяслӧн нин вуні. | Пӧрыԍ пӧԉјаслӧн-ԋін вуні. |
| Менам пӧръялӧм оз ло — | Менам пӧрјалӧм оз ло: |
| Коли сэсянь квайтсё во. | Коԉі сеԍаԋ квајт ԍо во! |
| * * * | * * * |
| Оліс-выліс парма шӧрын, | Оліс-выліс парма шӧрын, |
| Эжва дорса пемыд вӧрын | Ежва ԁорса пемыԁ вӧрын |
| Повтӧм сьӧлӧма да ён | Повтӧм ԍӧлӧма ԁа јон |
| Ёкыш нима коми зон. | Јокыш ԋіма комі зон. |
| Гортса йӧзкӧд сійӧ вӧлі | Гортса јӧзкӧԁ сіјӧ вӧлі |
| Рам да сёрни вылас мелі; | Рам ԁа ԍорԋі вылас мелі; |
| Давйын ветлӧдлігӧн лёк, | Ԁавјын ветлӧԁлігӧн ԉок, |
| Зверлы абу муса вок. | Зверлы абу муса вок. |
| Уна ошкӧс сійӧ кыйліс, | Уна ошкӧс сіја кыјліс, |
| Уна тулан ньӧвйӧн лыйліс; | Уна тулан ԋӧвјӧн лыјліс; |
| Шедліс сылы дона низь | Шеԁліс сылы ԁона ԋіԅ |
| Ӧти вонас гашкӧ кызь. | Ӧԏі вонас гашкӧ кыԅ. |
| Ёкыш эз вӧв пемыд юра, | Јокыш ез вӧв пемыԁ јура, |
| Быдтор мӧвпаліс зэв бура, | Быԁтор мӧвпаліс зев бура, |
| Тӧдіс, кытысьджык да кор | Тӧԁіс, кытыԍҗык ԁа кор |
| Вӧрын корсьны кыянтор. | Вӧрын корԍны кыјантор. |
| Сійӧ некӧн эз на йӧрмыв. | Сіјӧ ԋекӧн ез-на јӧрмыв. |
| Весиг мудер руч эз вермыв | Веԍіг муԃер руч ез вермыв |
| Удал зонлы пӧртны син — | Уԁал зонлы пӧртны ԍін — |
| Некыдз Ёкышысь эз мын. | Ԋекыԇ Јокышыԍ ез мын. |
| Тӧвся заптӧм дона куяс, | Тӧвԍа заптӧм ԁона кујас, |
| Коді вузӧс вылӧ туяс, | Коԁі вузӧс вылӧ тујас, |
| Ёкыш аслыс, дерт, эз чӧж, | Јокыш аслыс, ԃерт, ез чӧж, |
| Паччӧр сэрӧгын эз пӧж. | Паччӧр сӧрӧгын ез пӧж. |
| Сылӧн сэтшӧм вӧлі ладыс: | Сылӧн сещӧм вӧлі лаԁыс: |
| Муртса воас тувсов кадыс, | Муртса воас тувсов каԁыс, |
| Сійӧ лӧсьӧдӧ нин пыж, | Сіјӧ лӧԍӧԁӧ-ԋін пыж, |
| Улӧ копыртӧма мыш. | Улӧ копыртӧма мыш. |
| Регыд пыжсӧ сійӧ вӧчас, | Регыԁ пыжсӧ сіјӧ вӧчас, |
| Бурджык кусӧ сэтчӧ тэчас, | Бурҗык кусӧ сетчӧ течас, |
| Лёксӧ, тӧдӧмысь, оз сӧвт, | Ԉоксӧ, тӧԁӧмыԍ, оз сӧвт, |
| Вылас шлапкас сюмӧд вевт. | Вылас шлапкас ԍумӧԁ вевт. |
| Сёянтор на ещӧ лӧдас, | Ԍојантор-на јешщӧ лӧԁас, |
| Сэсся Эжва кывтчӧс мӧдас. | Сеԍԍа Ежва кывтчӧс мӧԁас. |
| Туйлӧн помыс лоас сэн, | Тујлӧн помыс лоас сен, |
| Рочьяс вежласьӧны кӧн. | Рочјас вежлаԍӧны кӧн. |
| Рочыс вывті вӧлі наян: | Рочыс вывті вӧлі најан. |
| Пыж тыр кусӧ сылы ваян, | Пыж тыр кусӧ сылы вајан. |
| Сетас сы вылӧ кык чер: | Ԍетас сы вылӧ кык чер: |
| «Мун пӧ, зонмӧ, сэсся бӧр». | „Мун-пӧ, зонмӧ, сеԍԍа бӧр!“ |
| Коді парма пытшкын олӧ, | Коԁі парма пыщкын олӧ, |
| Черыд ёна сылы колӧ. | Черыԁ јона сылы колӧ. |
| Эз вӧв комияслӧн кӧрт, | Ез вӧв коміјаслӧн кӧрт, |
| Кӧть тэ сыркъялӧмӧн бӧрд. | Кӧԏ те сыркјалӧмӧн бӧрԁ. |
| Он кӧ купечыдкӧд вежсьы, | Он-кӧ купечыԁкӧԁ вежԍы, |
| Кӧрта кӧлуйыд оз чӧжсьы, | Кӧрта кӧлујыԁ оз чӧжԍы; |
| Ошкӧс майӧгӧн он ви — | Ошкӧс мајӧгӧн он ві — |
| Тӧдіс тайӧ парма пи. | Тӧԁіс тајӧ парма пі. |
| Ёкыш увланьӧ быд тулыс | Јокыш увлаԋӧ быԁ тулыс |
| Дона куяс тадзи нуліс, | Ԁона кујас таԇі нуліс, |
| Гортас вайліс чер да шы, | Гортас вајліс чер ԁа шы, |
| Быттьӧ понлы сетӧм лы. | Быԏԏӧ понлы ԍетӧм лы. |
| Гӧгӧрволіс эськӧ сійӧ, | Гӧгӧрволіс еԍкӧ сіјӧ, |
| Кыдзи руч моз йӧзсӧ кыйӧ | Кыԇі руч моз јӧзсӧ кыјӧ |
| Купеч мортыд, да оз позь | Купеч-мортыԁ-ԁа, оз поԅ |
| Рочкӧд панны зык да кось. | Рочкӧԁ панны зык ԁа коԍ. |
| Ӧти воӧ, тулыс помын, | Ӧԏі воӧ, тулыс помын, |
| Ёкыш аддзис Сыктыв вомын | Јокыш аԁԇіс Сыктыв вомын: |
| Мича рӧма — гӧрд да виж — | Міча рӧма — гӧрԁ ԁа віж — |
| Увсянь локтӧм сизим пыж. | Увԍаԋ локтӧм ԍіԅім пыж, |
| Найӧ ыджданас дзик ӧткодь, | Најӧ ыҗԁанас ԇік ӧткоԃ, |
| Вӧчан ногнас мӧда-мӧд кодь: | Вӧчан ногнас мӧԁа-мӧԁкоԃ: |
| Кузь да векни, нырыс ёсь, | Куԅ ԁа векԋі, нырыс јоԍ, |
| Шуны омӧльӧн оз позь. | Шуны омӧԉӧн оз поԅ. |
| Сизим пыжын йӧзыс вӧрӧ, | Ԍіԅім пыжын јӧзыс вӧрӧ, |
| Ассьыс уджсӧ зіля керӧ — | Асԍыс уҗсӧ зіԉа керӧ — |
| Сынӧ-гурскӧ. Быдӧн том, | Сынӧ-гурскӧ. Быԁӧн том. |
| Мыйкӧ сьылӧ налӧн вом. | Мыјкӧ ԍылӧ налӧн вом. |
| Сьылӧм сынысьяслӧн гора, | Ԍылӧм сыныԍјаслӧн гора, |
| Збойлун сяма, абу нора. | Збојлун ԍама, абу нора. |
| Некор коми морт эз сьыв | Ԋекор комі морт ез ԍыв |
| Татшӧм гажа сьыланкыв. | Тащӧм гажа ԍыланкыв. |
| «Аттӧ дивӧ, код нӧ тайӧ? | „Аттӧ ԃівӧ, коԁ-нӧ тајӧ? |
| Кытчӧ мӧдӧдчисны найӧ? | Кытчӧ мӧԁӧԁчісны најӧ? |
| Мыйкӧ визулӧсь нин зэв. | Мыјкӧ візывӧԍ-ԋін зев. |
| Оз тай, майбыр, овны чӧв. | Оз-тај, мајбыр, овны чӧв. |
| Но да мӧвпавнысӧ нинӧм. | Но-ԁа мӧвпавнысӧ ԋінӧм. |
| Тӧдчӧ налӧн паськыд кынӧм | Тӧԁчӧ налӧн паԍкыԁ кынӧм. |
| Тайӧ ставыс купеч морт», — | Тајӧ ставыс купеч морт!“ — |
| Шуис аслыс Ёкыш ёрт. | Шуіс аслыс Јокыш-јорт. |
| Кыйсян кӧлуй сылы ковзис | Кыјԍан кӧлуј сылы ковԅіс. |
| Сьӧлӧм удал зонлӧн ловзис: | Ԍӧлӧм уԁал зонлӧн ловԅіс: |
| Бара сюрас сылы кӧрт, | Бара ԍурас сылы кӧрт, |
| Кӧть и ичӧтика, дерт. | Кӧԏ-і ічӧԏіка, ԃерт. |
| Таво рочыд эз на волы, | Таво рочыԁ ез-на волы, |
| Вежсьӧм-вузасьӧм эз лолы. | Вежԍӧм-вузаԍӧм ез лолы. |
| Ёкыш увлань эз на ну | Јокыш увлаԋ ез-на ну |
| Тӧлын чӧжӧм дона ку. | Тӧлын чӧжӧм ԁона ку. |
| Луныс помасьны нин пондіс. | Луныс помаԍны-ԋін понԁіс. |
| Парма пытшкӧ суніс шонді. | Парма пыщкӧ суніс шонԁі. |
| Локтіс тувсов лунлӧн чой — | Локтіс тувсов лунлӧн чој — |
| Югыд бана шоныд вой. | Југыԁ бана шоныԁ вој. |
| Пыжа войтыр узьны сувтіс, | Пыжа војтыр уԅны сувтіс. |
| Ветлӧ-жуӧ вадор увтіс, | Ветлӧ-жуӧ ваԁор увтіс, |
| Зэвтӧ еджыд дӧра чом, | Зевтӧ јеҗыԁ ԁӧра чом, |
| Мед оз курччав найӧс ном. | Меԁ оз куртчав најӧс ном. |
| Чомкӧд орччӧн бипур ӧзйӧ. | Чомкӧԁ ортчӧн біпур ӧзјӧ. |
| Ыджыд пӧртйын пуны кӧсйӧ | Ыҗыԁ пӧртјын пуны кӧсјӧ |
| Яй да чери тӧдтӧм йӧз. | Јај ԁа чері тӧԁтӧм јӧз. |
| Тшынсӧ лэдзӧ пожӧм пес. | Щынсӧ леԇӧ пожӧм пес. |
| Лыа вылӧ, быттьӧ сиръяс, | Лыа вылӧ, быԏԏӧ ԍірјас, |
| Пыжъяс лэпталісны ныръяс. | Пыжјас лепталісны нырјас. |
| Катны водзӧ налы дыш. | Катны воԇӧ налы ԁыш. |
| Морт моз шойччӧ сизим пыж. | Морт моз шојтчӧ ԍіԅім пыж. |
| Ёкыш сэні дыр эз жуяв. | Јокыш сені ԁыр ез жујјав, |
| Сямсӧ рочьяслысь эз туяв. | Ԍамсӧ рочјаслыԍ ез тујав. |
| Аслас сиктӧ пырысь-пыр | Аслас ԍіктӧ пырыԍ пыр, |
| Муніс нимкодясигтыр. | Муніс ԋімкоԃаԍіг тыр. |
| Сылӧн сиктыс эз вӧв ылын — | Сылӧн ԍіктыс ез вӧв ылын — |
| Кык ю костын, нӧрыс вылын. | Кык ју костын, нӧрыс вылын. |
| Сиктас оліс комын морт. | Ԍіктас оліс комын морт. |
| Воис сэтчӧ Ёкыш ёрт. | Воіс сетчӧ Јокыш-јорт. |
| Пондіс ветлӧдлыны ӧдйӧн | Понԁіс ветлӧԁлыны ӧԁјӧн |
| Чомйысь чомйӧ кыдз пу беддьӧн, | Чомјыԍ-чомјӧ кыԇпу беԃјӧн. |
| Стенӧ катшкас — тук да ток: | Ԍԏенӧ кащкас — тук ԁа ток: |
| «Кывзы менӧ, муса вок! | „Кывзы менӧ, муса вок! |
| Купеч котыр локтіс татчӧ, | Купеч котыр локтіс татчӧ. |
| Увсянь мунӧ Эжва катчӧс. | Увԍаԋ мунӧ Ежва катчӧс. |
| Ӧні узьны кӧсйӧ тан. | Ӧні уԅны кӧсјӧ тан. |
| Кӧртыд лоас шондібан!» | Кӧртыԁ лоас шонԁібан!“ |
| Эжва ю моз сиктыс гызис. | Ежва ју моз ԍіктыс гыԅіс. |
| Ывла тырнас йӧзыс шызис. | Ывла тырнас јӧзыс шыԅіс. |
| Жӧдзӧ пӧрысь, жӧдзӧ том, | Жӧԇӧ пӧрыԍ, жӧԇӧ том, |
| Быттьӧ ваын тэрыб ком. | Быԏԏӧ ваын терыб ком. |
| Шогныс налӧн бӧрӧ кольӧ. | Шогныс налӧн бӧрӧ коԉӧ, |
| Тӧданторсӧ Ёкыш дольӧ: | Тӧԁанторсӧ Јокыш ԁоԉӧ: |
| «Рочыд эз кӧ эськӧ кат, | „Рочыԁ ез-кӧ еԍкӧ кат, |
| Лои кыйсьысьяслы мат. | Лоі кыјԍыԍјаслы мат. |
| Уна шыяс чеги миян, | Уна шыјас чегі міјан, |
| Уна эмӧсь коми пиян, | Уна емӧԍ комі піјан, |
| Кодлӧн абу весиг чер — | Коԁлӧн абу веԍіг чер, — |
| Пуыд керавтӧг оз пӧр. | Пуыԁ керавтӧг оз пӧр. |
| Рочыд тыра пыжӧн кайӧ, | Рочыԁ тыра пыжӧн кајӧ, |
| Кӧрта кӧлуй кӧнкӧ вайӧ. | Кӧрта кӧлуј кӧнкӧ вајӧ. |
| Сэсся унатор ог шу. | Сеԍԍа унатор ог шу. |
| Муам вежны дона ку!» | Муам вежны ԁона ку!“ |
| Йӧзыс ызгӧ: «Нуам, нуам, | Јӧзыс ызгӧ: „Нуам, нуам, |
| Найӧс вадорас кӧ суам, | Најӧс ваԁорас-кӧ суам, |
| Эз кӧ мунны найӧ тась. | Ез-кӧ мунны најӧ таԍ. |
| Вежанторйыд, майбыр, дась»! | Вежан торјыԁ, мајбыр, ԁаԍ“ |
| Чомъяс дорын мырсьӧм воссис, | Чомјас ԁорын мырԍӧм воԍԍіс |
| Быдӧн бӧрйӧ куяс костсьыс | Быԁӧн бӧрјӧ кујас костԍыс |
| Низь да, руч да, тулан ку, | Ԋіԅ-ԁа, руч-ԁа, тулан ку, |
| Мыйӧн озыр Коми му. | Мыјӧн озыр комі му. |
| Тайӧ уджыс абу сьӧкыд — | Тајӧ уҗыс абу ԍӧкыԁ — |
| Ставыс эштіс налӧн регыд. | Ставыс ештіс налӧн регыԁ. |
| Вадорвывсянь уна ноп | Ваԁорвывԍаԋ уна ноп |
| Пыжӧ шыблалӧны — шнёп! | Пыжӧ шыблалӧны — шԋоп! |
| Пипу пыжъяс налӧн кокни, | Піпу пыжјас налӧн кокԋі, |
| Сирӧн мавтӧм, бур ни, лёк ни, | Ԍірӧн мавтӧм, бур-ԋі, ԉок-ԋі, |
| Куим пелыс, ӧти зіб, | Кујім пелыс, ӧԏі зыб, |
| Витӧн пуксян кӧ, он лыб. | Вітӧн пукԍан-кӧ он лыб. |
| Ӧтпыр, быттьӧ повзьӧм ыжъяс, | Ӧтпыр, быԏԏӧ повԅӧм ыжјас |
| Увлань ӧддзӧдчисны пыжъяс. | Увлаԋ ӧԁԇӧԁчісны пыжјас. |
| Горзӧ Ёкыш сэтшӧм кыв: | Горзӧ Јокыш сещӧм кыв: |
| «Кежӧй, вокъяс, шуйгавыв!» | „Кежӧј, вокјас, шујгавыв!“ |
| Ваыс паськалӧ да пузьӧ — | Ваыс паԍкалӧ ԁа пуԅӧ — |
| Эжва юӧ мӧд ю усьӧ | Ежва јуӧ мӧԁ ју уԍӧ. |
| Воссьӧ синлы Сыктыв вом. | Воԍԍӧ ԍінлы Сыктыв вом. |
| Вадор вылас еджыд чом. | Ваԁор вылас јеҗыԁ чом. |
| Рочлӧн пыжъяс пыр на сэні. | Рочлӧн пыжјас пыр-на сені. |
| Купеч котырыд нӧ кӧні? | Купеч котырыԁ-нӧ кӧні? |
| Оз тай кывсьы налӧн зык. | Оз-тај кывԍы налӧн зык. |
| Ловъя мортыд сӧмын кык. | Ловја мортыԁ сӧмын кык. |
| Тайӧ кыкыс паськыд чера, | Тајӧ кыкыс паԍкыԁ чера. |
| Вылас дӧрӧм мича сера, | Вылас ԁӧрӧм міча ԍера, |
| Юрас шапкаясныс гӧрд, | Јурас шапкајасныс гӧрԁ, |
| Дона нойысь кӧнкӧ, дерт. | Ԁона нојыԍ кӧнкӧ, ԃерт. |
| «Талун войыд вывті номйӧсь, | „Талун војыԁ вывті номјӧԍ, |
| Унджык рочыд пырис чомйӧ, | Унҗык рочыԁ пыріс чомјӧ, |
| Пыжсӧ видзӧны кык морт». — | Пыжсӧ віԇӧны кык морт“. — |
| Гӧгӧрвоис Ёкыш ёрт. | Гӧгӧрвоіс Јокыш-јорт. |
| Коми войтыр збоя сынӧ, | Комі војтыр збоја сынӧ, |
| Воӧ купеч шойччанінӧ. | Воӧ купеч шојтчан інӧ. |
| Ӧти видзысь пырысь-пыр | Ӧԏі віԇыԍ пырыԍ пыр |
| Чомлань тюрис, быттьӧ шыр. | Чомлаԋ ԏуріс, быԏԏӧ шыр. |
| Воссис дӧра чомлӧн водзыс, | Воԍԍіс ԁӧра чомлӧн воԇыс, |
| Уна петіс сэтысь рочыс | Уна петіс сетыԍ рочыс |
| Паськыд пельпома да ён, | Паԍкыԁ пеԉпома ԁа јон, |
| Чужӧм гӧрдӧдӧма дон. | Чужӧм гӧрԁӧԁӧма ԁон. |
| Сэсся юалісны найӧ: | Сеԍԍа јуалісны најӧ: |
| «Кодӧс енмыс татчӧ вайӧ? | „Коԁӧс јенмыс татчӧ вајӧ? |
| Кывзӧй, кутшӧм тіян мог? | Кывзӧј, кущӧм тіјан мог? |
| Бур-ӧ-омӧль ветланног?» | Бур-ӧ, омӧԉ ветланног? |
| Ёкыш сувтіс лыа дорӧ, | Јокыш сувтіс лыа ԁорӧ, |
| Рочӧс матыстчыны корӧ: | Рочӧс матыԍчыны корӧ: |
| «Локтӧй талань ставныд ті, | „Локтӧј талаԋ ставныԁ ті, |
| Дона куяс вайим ми. | Ԁона кујас вајім мі. |
| Мыйта вермим вонас чӧжны | Мыјԁа вермім вонас чӧжны |
| Кӧсъям тіянкӧд ми вежны | Кӧсјам тіјанкӧԁ мі вежны |
| Кӧрта кӧлуй вылӧ, дерт. | Кӧрта кӧлуј вылӧ, ԃерт. |
| Коланторйыс миян — кӧрт. | Коланторјыс міјан — кӧрт. |
| Локтӧй, купечьяс, эн полӧй, | Локтӧј, купечјас, ен полӧ, |
| Коми йӧзыд рама олӧ, | Комі јӧзыԁ рама олӧ, |
| Лёксӧ некодлы оз кер. | Ԉоксӧ ԋекоԁлы оз кер, |
| Сӧмын корӧ шы да чер». | Сӧмын корӧ шы ԁа чер!“ |
| Рочьяс серӧктісны воча: | Рочјас ԍерӧктісны воча: |
| «Полӧм миян овлӧ шоча. | „Полӧм міјан овлӧ шоча. |
| Паныд сюрысьяслы ми | Паныԁ ԍурыԍјаслы мі |
| Вермам чегны кок и ки. | Вермам чегны кок і кі. |
| Ми кӧ босьтам дона кусӧ, | Мі-кӧ боԍтам ԁона кусӧ, |
| Кӧртнад тыртам Коми мусӧ. | Кӧртнаԁ тыртам комі мусӧ. |
| Миян кӧртыд вывті бур — | Міјан кӧртыԁ вывті бур — |
| Уна орӧдлывліс юр!» | Уна орӧԁлывліс јур!“ |
| Ёкыш шмонитӧмӧн чайтіс | Јокыш шмоԋітӧмӧн чајтіс |
| Тайӧ кывъяссӧ да кайтіс | Тајӧ кывјассӧ ԁај кајтіс: |
| «Дерт нин абу омӧльтор, | „Ԃерт-ԋін абу омӧԉтор, |
| Зверлӧн юрыс орас кор. | Зверлӧн јурыс орас кор. |
| Татшӧм кӧрттӧ кӧ ті сетад, | Тащӧм кӧрттӧ-кӧ ті ԍетаԁ, |
| Дона кунад, майбыр, пӧтад. | Ԁона кунаԁ, мајбыр, пӧтаԁ. |
| Ӧти сиктын руч да низь | Ӧԏі ԍіктын руч ԁа ԋіԅ |
| Таво кыйим сё да кызь!» | Таво кыјім ԍо ԁа кыԅ! “ |
| Синныс купечьяслӧн ворсӧ, | Ԍінныс купечјаслӧн ворсӧ, |
| Кокныс лойӧ лыа дорсӧ, | Кокныс лојӧ лыа ԁорсӧ. |
| Некод чомлань бӧр оз мун, | Ԋекоԁ чомлаԋ бӧр оз мун. |
| Вуні рочлӧн чӧскыд ун. | Вуні рочлӧн чӧскыԁ ун. |
| Кыйсьысь котыр пыжсьыс петіс, | Кыјԍыԍ котыр пыжԍыс петіс, |
| Нопъяс разяліс да лӧдіс | Нопјас раԅаліс ԁа лӧԁіс |
| Вадор вылӧ вайӧмтор. | Ваԁор вылӧ вајантор. |
| Куӧн тыри Сыктыв дор. | Куӧн тырі Сыктыв ԁор. |
| Рочлы Ёкыш шуӧ: «Видзӧд! | Рочлы Јокыш шуӧ: „Віԇӧԁ! |
| Талӧн доныс абу ичӧт. | Талӧн ԁоныс абу ічӧт. |
| Кутшӧм сук да мича гӧн. | Кущӧм сук ԁа міча гӧн. |
| Таысь бурсӧ аддзан кӧн? | Таыԍ бурсӧ аԁԇан кӧн? |
| Вайӧ вежласьӧмсӧ вӧчам, | Вајӧ вежлаԍӧмсӧ вӧчам, |
| Низьлысь, ручлысь донсӧ тэчам. | Ԋіԅлыԍ, ручлыԍ ԁонсӧ течам. |
| Асьныд артыштанныд, дерт, | Аԍныԁ артыштанныԁ, ԃерт, |
| Мыйта позяс сетны кӧрт». | Мыјԁа поԅас ԍетны кӧрт!“ |
| Рочьяс серӧктісны бара, | Рочјас ԍерӧктісны бара, |
| Сэсся равӧстісны яра: | Сеԍԍа равӧстісны јара: |
| «Ёна артавны оз ков — | „Јона артавны оз ков — |
| Кӧртнад виньдас тіян лов!» | Кӧртнаԁ віԋԁас тіјан лов!“ |
| Коми войтыр ставныс шемӧс. | Комі војтыр ставныс шемӧс. |
| Мый нӧ тайӧ: вӧт-ӧ, вемӧс? | Мыј-нӧ тајӧ: вӧт-ӧ, вемӧс? |
| Вежсис купечьяслӧн сям, | Вежԍіс купечјаслӧн ԍам, |
| Сёрни налӧн абу рам. | Сорԋі налӧн абу рам. |
| Быдӧн лёкысь мыйкӧ горзӧ, | Быԁӧн ԉокыԍ мыјкӧ горзӧ, |
| Быдӧн кутӧ вианторсӧ: | Быԁӧн кутӧ віјанторсӧ: |
| Коді шыпурт, коді чер, | Коԁі шыпурт, коԁі чер, |
| Кӧть тэ сэтчӧ весьӧпӧр. | Кӧԏ те сетчӧ веԍӧпӧр. |
| Пуртӧн шенасьӧны кияс, | Пуртӧн шенаԍӧны кіјас, |
| Водзӧ чургӧдчисны шыяс. | Воԇӧ чургӧԁчісны шыјас. |
| Квайтӧн скӧрапырысь зэв | Квајтӧн скӧра пырыԍ зев |
| Лэдзны лӧсьӧдчӧны ньӧв. | Леԇны лӧԍӧԁчӧны ԋӧв. |
| Ёкыш горӧдіс: «Бур вокъяс, | Јокыш горӧԁіс: „Бур вокјас, |
| Ӧдйӧ нуӧй татысь кокъяс! | Ӧԁјӧ нуӧј татыԍ кокјас! |
| Аддзад налысь чужӧмбан — | Аԁԇаԁ налыԍ чужӧмбан — |
| Пыжа рӧзбойяс тай тан!» | Пыжа рӧзбојјас-тај тан!“ |
| Эз на удит помӧдз шуны, | Ез-на уԃіт помӧԇ шуны, |
| Кыдзи коксӧ колӧ нуны, — | Кыԇі коксӧ колӧ нуны, — |
| Водзӧ уськӧдчис роч йӧз: | Воԇӧ уԍкӧԁчіс роч јӧз: |
| «Вай пӧ вӧрсаястӧ пес!» | „Вај-пӧ вӧрсајастӧ пес!“ |
| Парма пиян сэтчӧ йӧрмис. | Парма піјан сетчӧ јӧрміс. |
| Некод пышйыны эз вермы. | Ԋекоԁ пышјыны ез вермы. |
| Рӧзбой чукӧр — ук да ок! | Рӧзбој чукӧр — ук ԁа ок! — |
| Шонтіс кыйсьысьяслы бок. | Шонтіс кыјԍыԍјаслыԍ бок. |
| Уна сюри коми мышкӧ | Уна ԍурі комі мышкӧ |
| Шыпурт воропӧн да тышкӧн | Шыпурт воропӧн ԁа тышкӧн |
| Зургӧм, вачкӧм, мукӧдтор, | Зургӧм, вачкӧм, мукӧԁтор, |
| Рочьяс тешитчисны кор. | Рочјас ԏешітчісны кор. |
| Найӧ некодӧс эз вины, | Најӧ ԋекоԁӧс ез віны, |
| Сӧмын нӧйтӧм помсьыс чині | Сӧмын нӧјтӧм помԍыс чіні |
| Кыйсьысь-войтыръяслӧн нэм, — | Кыјԍыԍ-војтырјаслӧн нем, — |
| Сійӧс сюмӧдӧн он дӧм!.. | Сіјӧс ԍумӧԁӧн он ԁӧм!.. |
| «Сэсся накӧд со мый вӧчам: | „Сеԍԍа накӧԁ со мыј вӧчам: |
| Увлань юрӧн юас лэдзам», — | Увлаԋјурӧн јуас леԇам!“ — |
| Индіс чуньнас ӧти роч. | Інԁіс чуԋнас ӧԏі роч. |
| Вӧлі сэки асывводз. | Вӧлі секі асыввоԇ. |
| Мича кыа кусны пондіс, | Міча кыа кусны понԁіс, |
| Парма пытшсьыс петіс шонді. | Парма пыщԍыс петіс шонԁі, |
| Садьмис, ловзис пемыд вӧр. | Саԃміс ловԅіс пемыԁ вӧр, |
| Мулӧн, валӧн вежсис сер. | Мулӧн, валӧн вежԍіс ԍер. |
| Омӧльторсӧ вӧчны дыр-ӧ? | Омӧԉторсӧ вӧчны ԁыр-ӧ. |
| Рочьяс шыблалісны йирӧ | Рочјас шыблалісны јірӧ |
| Нӧйтӧм войтыръяссӧ пыр | Нӧјтӧм војтырјассӧ пыр |
| Равзігтыр да чужйигтыр. | Равзіг тыр ԁа чужјіг тыр. |
| Ёкыш коли кыдзкӧ бӧрас | Јокыш коԉі кыԇкӧ бӧрас |
| Вадор вылас, рӧзбой шӧрас. | Ваԁор вылас, рӧзбој шӧрас. |
| Киас чер ни пурт эз вӧв, | Кіас чер ԉі пурт ез вӧв, |
| Сӧмын скӧрмис сійӧ зэв. | Сӧмын скӧрміс сіјӧ зев. |
| Аслыс шуис сійӧ лючки: | Аслыс шуіс сіјӧ ԉучкі: |
| «Найӧс воча ог кӧ кучкы, | „Најӧс воча ог-кӧ кучкі, |
| Ичӧт лоас меным дон. | Ічӧт лоас меным ԁон, |
| Ог нин ло ме удал зон!» | Ог-ԋін ло ме уԁал зон!“ |
| Рӧзбой чукӧр жуӧ, ызгӧ, | Рӧзбој чукӧр жуӧ, ызгӧ, |
| Кыркӧтш дорӧ сійӧс кыскӧ, | Кыркӧщ ԁорӧ сіјӧс кыскӧ, |
| Балябӧжас зур да зур, | Баԉабӧжас зур ԁа зур, |
| Тронякылӧ сылӧн юр. | Троԋакылӧ сылӧн јур. |
| Ёкыш ёртлӧн сьӧлӧм ӧзйис. | Јокыш јортлӧн ԍӧлӧм ӧзјыс. |
| Ӧти рӧзбой сійӧс кӧсйис | Ӧԏі рӧзбој сіјӧс кӧсјыс |
| Ваӧ тойыштны да, сэн | Ваӧ тојыштны-ԁа сен |
| Пансис налӧн чорыд вен. | Панԍыс налӧн чорыԁ вен. |
| Ёкыш чегис рӧзбой кисӧ, | Јокыш чегіс рӧзбој кісӧ, |
| Мырддис-босьтіс лэчыд шысӧ, | Мырԃԃіс-боԍтіс лечыԁ шысӧ, |
| Сэсся шынас рочӧс — бытш! | Сеԍԍа шынас рочӧс — быщ! |
| Ачыс тэрыб, быттьӧ пытш. | Ачыс терыб, быԏԏӧ пыщ. |
| Чегӧм соя рӧзбой усис, | Чегӧм соја рӧзбој уԍіс, |
| Эз нин чеччыв сэсся мусьыс, | Ез-ԋін четчыв сеԍԍа муԍыс, |
| Чужӧм сылӧн лои лӧз. | Чужӧм сылӧн лоі лӧз. |
| Ош моз равӧстіс лёк йӧз: | Ош моз равӧстіс ԉок јӧз: |
| «Виӧй, виӧй тайӧ зонсӧ, | „Віјӧј, віјӧј тајӧ зонсӧ, |
| Пемыд вӧрысь петӧм понсӧ! | Пемыԁ вӧрыԍ петӧм понсӧ! |
| Мыйкӧ вывті сійӧ ёсь, | Мыјкӧ вывті сіјӧ јоԍ, |
| Ӧтнас лэптіс тані кось!» | Ӧтнас лептіс тані коԍ!“ |
| Вадор тыри ыджыд зыкӧн. | Ваԁор тырі ыҗыԁ зыкӧн. |
| Рӧзбой пиян комын кыкӧн | Рӧзбој піјан комын кыкӧн |
| Зонсӧ гӧгӧртісны сэн, | Зонсӧ гӧгӧртісны сен, |
| Усьӧм мортыс куйліс кӧн. | Уԍӧм мортыс кујліс кӧн. |
| Повтӧм Ёкыш лэчыд шынас | Повтӧм Јокыш лечыԁ шынас |
| Оз сет матыстчыны дінас, | Оз ԍет матыстчыны ԁінас, |
| Ӧти рочлы бара — сутш, | Ӧԏі рочлы бара — сущ, |
| Быттьӧ кокыштӧма кутш. | Быԏԏӧ кокыштӧма кущ. |
| Мӧдлы зургас морӧс шӧрас, | Мӧԁлы зургас морӧс шӧрас, |
| Пелька бергӧдчыштас бӧрас, | Пеԉка бергӧԁчыштас бӧрас, |
| Коймӧд мортлы перъяс син, | Којмӧԁ мортлы перјас ԍін, |
| Сӧмын рочьясысь оз мын. | Сӧмын рочјасыԍ оз мын. |
| Ош моз лёкмис рӧзбой пиян: | Ош моз ԉокміс рӧзбој піјан: |
| «Куим ёрт нин усис миян! | „Кујім јорт-ԋін уԍіс міјан! |
| Ноко заводитлам вай | Но-кӧ завоԃітлам вај |
| Коми зонлысь шырны яй!» | Комі зонлыԍ шырны јај!“ |
| Биӧн югнитісны синъяс, | Біӧн југԋітісны ԍінјас, |
| Яра йирыштчисны пиньяс, | Јара јірыштісны піԋјас, |
| Лэптіс шыпурт уна ки. | Лептіс шыпурт уна кі. |
| Кытшын лои парма пи. | Кыщын лоі парма пі. |
| Ӧтпыр вадорсянь и вӧрсянь, | Ӧтпыр ваԁорԍаԋ і вӧрԍаԋ, |
| Коді водзсянь, коді бӧрсянь, | Коԁі воԇԍаԋ, коԁі бӧрԍаԋ, |
| Саридз гыыс ветлӧ кыдз, | Саріԇ гыыс ветлӧ кыԇ, |
| Рочьяс зырӧдісны сідз. | Рочјас зырӧԁісны сіԇ. |
| Сьӧлӧм Ёкышлӧн эз повзьы: | Ԍӧлӧм Јокышлӧн ез повԅы: |
| Кӧть пӧ олӧм менам овсис, | „Кӧԏ-пӧ олӧм менам овԍіс, |
| Тӧдны пондад ӧні ті, | Тӧԁны понԁаԁ ӧні ті, |
| Кутшӧм войтыр тані ми! | Кущӧм војтыр тані мі!“ |
| Рӧзбой чукӧр эргӧ-мургӧ, | Рӧзбој чукӧр ергӧ-мургӧ. |
| Черӧн, шыӧн кучкӧ-зургӧ. | Черӧн, шыӧн кучкӧ, зургӧ. |
| Паськыд шыпурт вач да вач — | Паԍкыԁ шыпурт вач ԁа вач — |
| Вийӧм вылӧ абу надз. | Віјӧм вылӧ абу наԇ. |
| Регыд эштіс налӧн «шырзьӧм», | Регыԁ ештіс налӧн „шырԅӧм“, |
| Ӧтка тышкасьыськӧд мырсьӧм. | Ӧтка тышкаԍыԍкӧԁ мырԍӧм. |
| Кулі сэні Ёкыш ёрт, | Кулі сені Јокыш-јорт, |
| Эз нин аддзыв ассьыс горт. | Ез ԋін аԁԇыв асԍыс горт. |
| Рӧзбой йӧзлы эз ло лӧсьыд: | Рӧзбој јӧзлы ез ло лӧԍыԁ; |
| Тайӧ морт вӧсна пӧ пӧсьыд | „Тајӧ морт вӧсна-пӧ пӧԍыԁ |
| Миян киссис пельса тыр, | Міјан кіԍԍіс пеԉса тыр. |
| Пӧськӧд сорӧн тюргӧ вир. | Пӧԍкӧԁ сорӧн ԏургӧ вір. |
| Водзӧ ю кузя кӧ мунам, | Воԇӧ ју куԅа-кӧ мунам, |
| Та кодь зонмыс сюрас уна. | Такоԃ зонмыс ԍурас уна. |
| Гӧгӧр шуштӧм пемыд вӧр. | Гӧгӧр шуштӧм пемыԁ вӧр. |
| Вайӧ, ёртъяс, кывтам бӧр! | Вајӧ, јортјас кывтам бӧр“! |
| «Кывтам, кывтам, — быдӧн шуӧ: — | «Кывтам, кывтам, — быԁӧн шуӧ: — |
| Мунам татысь бурджык муӧ, | Мунам татыԍ бурҗык муӧ, |
| Кӧні олысьясыс шань, | Кӧні олыԍјасыс шаԋ, |
| Кӧні быдмӧ шобді нянь!» | Кӧні быԁмӧ шобԁі ԋаԋ!“ |
| Бара лыбис налӧн сьылӧм. | Бара лыбіс налӧн сылӧм: |
| Гажа миян олӧм-вылӧм, | „Гажа міјан олӧм-вылӧм, |
| Талун тані, аски — сэн, | Талун тані, аскі — сен, |
| Некод миянӧс оз вен!» | Ԋекоԁ міјанӧс оз вен!“ |
| Рӧзбой котыр сынны босьтчис. | Рӧзбој котыр сынны боԍтԍіс, |
| Уджыс пелысъяслы воссис. | Уҗыс пелысјаслы воԍԍіс. |
| Увлань лэбзис сизим пыж. | Увлаԋ лебԅіс ԍіԅім пыж. |
| Катны налы лои дыш. | Катны налы лоі ԁыш. |
| Татшӧм вӧлі сэкся олӧм, | Тащӧм вӧліс секԍа олӧм, |
| Коми муӧ рӧзбой волӧм. | Комі муӧ рӧзбој волӧм. |
| Татшӧм вӧлі збой да ён | Тащӧм вӧлі збој ԁа јон |
| Ёкыш нима коми зон. | Јокыш ԋіма комі зон. |
Комиӧн гижис
Лебедев Михаил
Лебедев Михаил
Важ коми гижӧд
