КОДЛЫ МОГ?

Вомынса (Кулӧмдін уезд) ӧти крестьянинлысь, Малань Миш Микайлӧлысь, налог мынтытӧмысь январ 1924 воын нарсудӧн вӧлі судитӧма петкӧдны (конфисковать) вурсян машина. Суд эштӧм бӧрас сійӧ жӧ лунас Микайлӧыд ачыс мырдӧнавтӧг кыскас машинатӧ исполкомӧ.

Кык во нин тырны кутіс, а сійӧ машинаыс век на исполкомын куйлӧ. Машинаыс вӧлі ёнкодь, а ӧні, дерт кӧнкӧ, абу нин ёна бур, сійӧ ӧд сэні ставыс нин сімис.

Ме ногӧн, машинасӧ тайӧ колӧ жӧ кытчӧкӧ местаӧ воштыны.

Ноко, финотдел да исполком, тӧлкуйтыштӧй та йылысь.

Яков Вась.